സ്ത്രീ ക്ഷേമത്തിലൂന്നിയ തെരഞ്ഞെടുപ്പ് പ്രചാരണം; വനിതകളില്ലാതെ ഇത്തവണയും കെജ്രിവാള് മന്ത്രിസഭ
ഡൂള്‍ന്യൂസ് ഡെസ്‌ക്
Sunday, 16th February 2020, 2:28 pm
ന്യൂദല്‍ഹി: ദല്‍ഹി നിയമസഭാ തെരഞ്ഞെടുപ്പില്‍ 70 ല്‍ 62 സീറ്റ് നേടിയാണ് ആം ആദ്മി പാര്‍ട്ടി അധികാരത്തിലെത്തിയത്. ദല്‍ഹി മുഖ്യമന്ത്രിയായി അരവിന്ദ് കെജ്രിവാള് ഇന്നാണ് സത്യപ്രതിജ്ഞ ചെയ്ത് അധികാരത്തിലെത്തിയത്. എന്നാല്‍ അരവിന്ദ് കെജ്‌രിവാളിന്റെ രണ്ടാം നിയമസഭയിലും ഒരു വനിത പോലുമില്ല. മത്സരിച്ചതില്‍ പാര്‍ട്ടിയുടെ 8 വനിതാ സ്ഥാനാര്‍ത്ഥികളും വിജയിച്ചിരുന്നു.
അതിഷി മര്‍ലേന, രാഖി ബിര്‍ല, രാജ് കുമാരി ദില്ലണ്‍, ദന്‍വാദി ചന്ദേവാല, പാര്‍മിള ടോക്കാസ്, ഭവ്‌ന ഗോര്‍ ബന്ധന കുമാരി എന്നിവരാണ് വിജയിച്ച സ്ഥാനാര്‍ത്ഥികള്‍.
