'കറുപ്പനെ അപമാനിക്കുന്നതിന് തുല്യം'; പണ്ഡിറ്റ് കറുപ്പന്‍ അവാര്‍ഡ് സുരേഷ് ഗോപിക്ക് നല്‍കുന്നതില്‍ വിവാദം
ഡൂള്‍ന്യൂസ് ഡെസ്‌ക്
Friday, 19th May 2023, 7:33 pm
കൊച്ചി: കവിയും നാടകകൃത്തും സാമൂഹിക പരിഷ്‌കര്‍ത്താവുമായിരുന്ന പണ്ഡിറ്റ് കറുപ്പന്‍ അവാര്‍ഡ് ബി.ജെ.പി നേതാവും നടനുമായ സുരേഷ് ഗോപിക്ക് നല്‍കുന്നത് സംബന്ധിച്ച് വിവാദം. ജീവിതകാലം മുഴുവന്‍ ജാതിവിരുദ്ധ- സവര്‍ണ വിരുദ്ധ പോരാട്ടം നടത്തിയ അധസ്ഥിത ജനതയുടെ പോരാളിയായ പണ്ഡിറ്റ് കറുപ്പനെ അപമാനിക്കുന്നതിന് തുല്യമാണ് സംഘപരിവാര്‍ അനുകൂലിയായ സുരേഷ് ഗോപിക്ക് ഈ അവാര്‍ഡ് നല്‍കുന്നതെന്നാണ് വിമര്‍ശനമുയര്‍ത്തുന്നവര്‍ പറയുന്നത്.
അടുത്ത ജന്മം ബ്രാഹ്മണകുലത്തില്‍ ജനിക്കാന്‍ ആഗ്രഹമുണ്ടെന്നടക്കമുള്ള സുരേഷ് ഗോപിയുടെ മുന്‍ പ്രസ്താവനകള്‍ ചൂണ്ടിക്കാണിച്ചാണ് വിമര്‍ശനം. ഇത്തരത്തില്‍ ജാതിവെറി മനസില്‍കൊണ്ടുനടക്കുന്ന ഒരാള്‍ക്ക് ഈ അവാര്‍ഡ് കൊടുത്തത് പണ്ഡിറ്റ് കറുപ്പനോട് കാണിച്ച വലിയ തെറ്റായിപ്പോയിയെന്നാണ് ഒരു കമന്റ്.
