അരുണ്‍ ഹൂഡ കോണ്‍ഗ്രസ് വിട്ട് ആം ആദ്മിയിലേക്ക്
ഡൂള്‍ന്യൂസ് ഡെസ്‌ക്
Monday, 11th April 2022, 2:29 pm
ന്യൂദല്‍ഹി: കോണ്‍ഗ്രസ് നേതാവ് അരുണ്‍ ഹൂഡ ആം ആദ്മിയില്‍ ചേര്‍ന്നു.
ആം ആദ്മി പാര്‍ട്ടി രാജ്യസഭാ അംഗവും ഹരിയാനയുടെ ചുമതല വഹിക്കുന്ന സുശീല്‍ ഗുപ്ത അരുണ്‍ ഹൂഡയെ പാര്‍ട്ടിയിലേക്ക് സ്വീകരിച്ചു.
രാജ്യത്ത് നല്ല രാഷ്ട്രീയം സ്ഥാപിക്കുമെന്ന് എ.എ.പി ദേശീയ കണ്‍വീനര്‍ അരവിന്ദ് കെജ്‌രിവാള്‍ പ്രതിജ്ഞയെടുത്തിട്ടുണ്ടെന്നും അദ്ദേഹത്തിന്റെ പ്രവര്‍ത്തനത്തിന്റെ സ്വാധീനം കൊണ്ടാണ് താന്‍ ആം ആദ്മി പാര്‍ട്ടിയില്‍ ചേരുന്നതെന്നും ഹൂഡ പറഞ്ഞു. ആം ആദ്മി പാര്‍ട്ടി രാജ്യത്തുടനീളം വ്യാപിക്കുകയും ഈ രാജ്യത്തെ മാറ്റത്തിലേക്ക് എത്തിക്കുമെന്നും ഹൂഡ പറഞ്ഞു.
