കൊവിഡ്: രാജ്യത്ത് ആരോഗ്യ അടിയന്തരാവസ്ഥ ഉടന്‍ വേണം; കേന്ദ്രത്തോട് കോണ്‍ഗ്രസ്
ഡൂള്‍ന്യൂസ് ഡെസ്‌ക്
Sunday, 2nd May 2021, 12:24 pm
തെലങ്കാന: കൊവിഡ് അതിവേഗത്തില്‍ വ്യാപിക്കുന്ന സാഹചര്യം കണക്കിലെടുത്ത് ആരോഗ്യ അടിയന്തരാവസ്ഥ പ്രഖ്യാപിക്കണമെന്ന് കോണ്‍ഗ്രസ് വക്താവ് ശ്രാവണ്‍ ദോസാജു.
കൊവിഡ് മൂലം ജനങ്ങള്‍ ബുദ്ധിമുട്ടുമ്പോഴും ആവശ്യത്തിന് വാക്‌സിനോ ആശുപത്രികളോ ബെഡുകളോ രോഗികള്‍ക്ക് ലഭിക്കുന്നില്ലെന്നും അദ്ദേഹം പറഞ്ഞു.
കൊവിഡിന്റെ ഗുരുതരാവസ്ഥ കണക്കിലെടുത്ത് സര്‍ക്കാര്‍ ഉടനടി ഒരു ആരോഗ്യ അടിയന്തരാവസ്ഥ പ്രഖ്യാപിക്കണമെന്നും ശ്രാവണ്‍ ആവശ്യപ്പെട്ടു.
അതേസമയം കഴിഞ്ഞ 24 മണിക്കൂറില്‍ രാജ്യത്ത് പുതുതായി 3,92,488 കൊവിഡ് സീറ്റുകള്‍ റിപ്പോര്‍ട്ട് ചെയ്തു. ഇതോടെ മൊത്തം കൊവിഡ് കേസുകളുടെ എണ്ണം 1,95,57,457 ആയി ഉയര്‍ന്നു.
