പഞ്ചാബില്‍ തോറ്റ് ബി.ജെ.പി; ആദ്യ ശ്രമത്തില്‍ ആം ആദ്മിക്ക് വന്‍ വിജയം; മുനിസിപ്പല്‍ കോര്‍പ്പറേഷന്‍ തെരഞ്ഞെടുപ്പ് ഫലം ഇങ്ങനെ
ഡൂള്‍ന്യൂസ് ഡെസ്‌ക്
Monday, 27th December 2021, 3:26 pm
ചണ്ഡീഗഢ്: ചണ്ഡീഗഢ് മുനിസിപ്പല്‍ കോര്‍പ്പറേഷന്‍ തെരഞ്ഞെടുപ്പില്‍ ബി.ജെ.പിക്ക് തിരിച്ചടി.
മുനിസിപ്പല്‍ തെരഞ്ഞെടുപ്പില്‍ ആദ്യമായി മത്സരിച്ച ആം ആദ്മി പാര്‍ട്ടിക്ക് ആകെയുള്ള 35 സീറ്റുകളില്‍ 14 സീറ്റുകള്‍ ലഭിച്ചു. ബി.ജെ.പി. 12 സീറ്റുകളിലും കോണ്‍ഗ്രസ് എട്ട് ഇടങ്ങളിലും ജയിച്ചു. ശിരോമണി അകാലിദള്‍ ഒരിടത്തും ജയിച്ചു.
ബി.ജെ.പിയുടെ മുന്‍ മേയര്‍മാരായ രവികാന്ത് ശര്‍മ്മയും ദവേഷ് മൗദ്ഗിലും പരാജയപ്പെട്ടു. ചണ്ഡീഗഢ് മുനിസിപ്പല്‍ കോര്‍പ്പറേഷന്‍ നിലവിലെ ഭരിച്ചിരുന്നത് ബി.ജെ.പിയായിരുന്നു.
ഡിസംബര്‍ 24നാണ് തെരഞ്ഞെടുപ്പ് നടന്നത്.
