മത തീവ്രവാദവുമായി ബന്ധമില്ല, മരണപ്പെട്ടതായി കണ്ടെത്തിയിട്ടില്ല; ജസ്ന തിരോധനക്കേസില്‍ കൂടുതല്‍ വിവരങ്ങള്‍ പുറത്തുവിട്ട് സി.ബി.ഐ
ഡൂള്‍ന്യൂസ് ഡെസ്‌ക്
Thursday, 4th January 2024, 10:15 pm
തിരുവനന്തപുരം: പത്തനംതിട്ടയില്‍ നിന്ന് കാണാതായ ജസ്ന തിരോധനക്കേസില്‍ കൂടുതല്‍ വിവരങ്ങള്‍ പുറത്തുവിട്ട് സി.ബി.ഐ. തിരോധാനത്തില്‍ മത തീവ്രവാദവുമായി യാതൊരു വിധത്തിലുള്ള ബന്ധങ്ങളില്ലെന്നും ജസ്ന മരിച്ചതായി ഇതുവരെ കണ്ടെത്താന്‍ സാധിച്ചിട്ടില്ലെന്നും സി.ബി.ഐ വ്യക്തമാക്കി.
ജസ്‌നയുടെ അച്ഛനെയും സുഹൃത്തിനെയും നുണപരിശോധന നടത്തിയതില്‍ നിന്ന് ഇതുസംബന്ധിച്ച തെളിവുകള്‍ ഒന്നും ലഭ്യമായിട്ടില്ലെന്നും സി.ബി.ഐ റിപ്പോര്‍ട്ട് പറയുന്നു. ജസ്ന സമൂഹ മാധ്യമങ്ങള്‍ ഉപയോഗിച്ചിരുന്നില്ലെന്നും കേരളത്തിന്റെ അതിര്‍ത്തി സംസ്ഥാനങ്ങളിലെ ആത്മഹത്യാ പോയിന്റുകളില്‍ നടത്തിയ പരിശോധനകളില്‍ നിന്ന് ഒന്നും അറിയാന്‍ സാധിച്ചില്ലെന്നും സി.ബി.ഐ ചൂണ്ടിക്കാട്ടി.
