കാത്ത് കാത്ത് ഒടുവിലവളെ പിടിച്ചു; ചാടിപ്പോയ തിരുവനന്തപുരത്തെ ഹനുമാന്‍ കുരങ്ങിനെ കൂട്ടിലാക്കി
ഡൂള്‍ന്യൂസ് ഡെസ്‌ക്
Thursday, 6th July 2023, 6:09 pm
തിരുവനന്തപുരം: തിരുവനന്തപുരം മൃഗശാലയില്‍ നിന്ന് കാണാതായ ഹനുമാന്‍ കുരങ്ങിനെ പിടിച്ചു. ജര്‍മന്‍ സാംസ്‌കാരിക കേന്ദ്രത്തിലെ ശുചിമുറിയില്‍ നിന്നാണ് കുരങ്ങിനെ കണ്ടെത്തിയത്. തുടര്‍ന്ന് മൃഗശാല അധികൃതരെത്തി കുരങ്ങിനെ പിടികൂടുകയായിരുന്നു.
കഴിഞ്ഞ ഒരു മാസത്തോളം മൃഗശാല ജീവനക്കാരെ വട്ടം കറക്കുകയായിരുന്നു ഈ കുരങ്ങ്. ജൂണ്‍ 16നാണ് തിരുപ്പതിയില്‍ നിന്ന് എത്തിച്ച കുരങ്ങ് മൃഗശാലയില്‍ നിന്ന് ചാടിപ്പോയത്.
