'ഹലാല്‍ ജിഹാദ്'; ബെംഗളൂരുവില്‍ 'ഹലാല്‍ ഫ്രീ ദീപാവലി' ക്യാമ്പെയ്‌നും, പ്രതിഷേധവുമായി ഹിന്ദുത്വ സംഘടനകള്‍
ഡൂള്‍ന്യൂസ് ഡെസ്‌ക്
Wednesday, 19th October 2022, 10:06 am
ബെംഗളൂരു: ദീപാവലി ആഘോഷം അടുത്തിരിക്കെ വിദ്വേഷ ക്യാമ്പെയ്‌നുമായി വീണ്ടും ഹിന്ദുത്വ സംഘടനകള്‍ രംഗത്ത്. ഹലാല്‍ ഉല്‍പന്ന വിരുദ്ധ ക്യാമ്പെയിനുമായാണ് ശ്രീരാമസേന, ഹിന്ദു ജനജാഗ്രതി സമിതി തുടങ്ങിയ ഹിന്ദുത്വ സംഘടനകള്‍ രംഗത്തെത്തിയിരിക്കുന്നത്.
ക്യാമ്പെയ്‌നുമായി ബന്ധപ്പെട്ട് ഹിന്ദുത്വ സംഘടന പ്രവര്‍ത്തകര്‍ ബഹുരാഷ്ട്ര കമ്പനികളുടെ ഭക്ഷ്യ ഔട്ട്‌ലെറ്റുകള്‍ക്ക് മുന്നില്‍ ‘ഹലാല്‍ മാംസം’ വില്‍ക്കരുത് എന്ന ആഹ്വാനവുമായി ധര്‍ണയും നടത്തി. ഷിമോഗയിലെ കെ.എഫ്.സി, പിസ്സ ഹട്ട്, മക്‌ഡൊണാള്‍ഡ് സ്ഥാപനങ്ങള്‍ക്ക് മുന്നിലാണ് പ്രവര്‍ത്തകര്‍ പ്രതിഷേധിച്ചത്.
ഉഡുപ്പിയിലെ ഹലാല്‍ ബോര്‍ഡുള്ള ഹോട്ടലുകള്‍ക്ക് മുന്നിലും സംഘടനകള്‍ പ്രതിഷേധിച്ചു. ഹോട്ടലുകളിലെ ഹലാല്‍ ബോര്‍ഡുകള്‍ മാറ്റണമെന്ന് ആവശ്യപ്പെട്ടായിരുന്നു പ്രതിഷേധം.
