ലണ്ടന്‍: തെരേസാ മേയുടെ പിന്‍ഗാമി ബോറിസ് ജോണ്‍സണ്‍ ബ്രിട്ടന്റെ പുതിയ പ്രധാനമന്ത്രിയാവും. കണ്‍സര്‍വേറ്റീവ് പാര്‍ട്ടി നേതാവും ലണ്ടന്‍ മുന്‍ മേയറുമാണ് ബോറിസ് ജോണ്‍സണ്‍. ഇദ്ദേഹം നാളെ പ്രധാനമന്ത്രിയായി അധികാരമേറ്റെടുക്കും.
Many congratulations to @BorisJohnson on being elected leader of @Conservatives – we now need to work together to deliver a Brexit that works for the whole UK and to keep Jeremy Corbyn out of government. You will have my full support from the back benches.
— Theresa May (@theresa_may) July 23, 2019
തെരേസ മേയ് രാജി വെച്ചതിനെത്തുടര്‍ന്നാണ് പുതിയ പ്രധാനമന്ത്രിയെ തെരഞ്ഞെടുക്കാന്‍ ബ്രിട്ടനില്‍ കളമൊരുങ്ങിയത്. തുടര്‍ന്ന് നടത്തിയ വോട്ടെടുപ്പില്‍ ബോറിസ്, വിദേശകാര്യ സെക്രട്ടറി ജെറമി ഹണ്ടിനെ 66ശതമാനം വോട്ടുകള്‍ക്ക് പരാജയപ്പെടുത്തുകയായിരുന്നു. ബോറിസ് 92,153 വോട്ടുകളും ജെറമി ഹണ്ട് 46,656 വോട്ടുകളുമാണ് നേടിയത്. വോട്ടെടുപ്പില്‍ 1,60,000 കണ്‍സര്‍വേറ്റീവ് പാര്‍ട്ടി അംഗങ്ങള്‍ പങ്കെടുത്തു.
