മന്ത്രിക്ക് നേരെ ചെരുപ്പെറിഞ്ഞ് ബി.ജെ.പി പ്രവര്‍ത്തകന്‍; പ്രതിഷേധമറിയിച്ച് രാജിവെച്ച് ബി.ജെ.പി അധ്യക്ഷന്‍
ഡൂള്‍ന്യൂസ് ഡെസ്‌ക്
Sunday, 14th August 2022, 4:10 pm
ചെന്നൈ: മന്ത്രിക്ക് നേരെ ചെരുപ്പെറിഞ്ഞതില്‍ പ്രതിഷേധിച്ച് ബി.ജെ.പിയില്‍ നിന്നും രാജിവെച്ച് ബി.ജെ.പി അധ്യക്ഷന്‍. തമിഴ്‌നാട്ടിലെ മധുരയിലാണ് സംഭവം. ധനമന്ത്രി പളനിവേല്‍ ത്യാഗരാജിന്റെ ഔദ്യോഗിക വാഹനത്തിലേക്കാണ് ബി.ജെ.പി പ്രവര്‍ത്തകര്‍ ചെരുപ്പൂരിയെറിഞ്ഞത്.
ഇത് ശരിയായ നടപടിയല്ലെന്നും പ്രവര്‍ത്തകരുടെ പെരുമാറ്റം വേദനിപ്പിച്ചെന്നും ചൂണ്ടിക്കാട്ടിയാണ് ബി.ജെ.പി ജില്ലാ അധ്യക്ഷന്‍ പി. ശരവണന്‍ രാജിവെച്ചത്.
ബി.ജെ.പിയോട് ഒരുപാട് ഇഷ്ടമുണ്ടായിരുന്നു. അതുകൊണ്ടാണ് പാര്‍ട്ടിയില്‍ ചേര്‍ന്നത്. പക്ഷേ ഇപ്പോഴത്തെ ബി.ജെ.പിയുടെ സമീപനം ഇഷ്ടപ്പെടുന്നില്ല. മന്ത്രിക്കെതിരെയുണ്ടായ ആക്രമണത്തില്‍ ഒരുപാട് വിഷമം തോന്നി. മന്ത്രിയെ നേരിട്ട് കണ്ട് മാപ്പ് പറഞ്ഞു.
