ബെർലിൻ: പൊതു നീന്തൽക്കുളങ്ങളിൽ അർധനഗ്നരായി കുളിക്കാൻ സ്ത്രീകൾക്കും അവകാശമുണ്ടെന്ന് ജർമൻ ഭരണകൂടം. അർധനഗ്നയായി നീന്തൽക്കുളത്തിൽ ഇറങ്ങാൻ തന്നെ വിലക്കിയെന്ന് ചൂണ്ടിക്കാട്ടി സ്ത്രീ നൽകിയ പരാതി പരിഗണിക്കുന്നതിനിടെയായിരുന്നു നിർണായക തീരുമാനം.

ഇതോടെ ലിംഗഭേദമില്ലാതെ എല്ലാവർക്കും മേൽവസ്ത്രം ധരിക്കാതെ നീന്തൽ കുളങ്ങൾ ഉപയോഗിക്കാം.

മേൽവസ്ത്രം ഒഴിവാക്കാൻ എല്ലാവർക്കും തുല്യ അവകാശമുണ്ടെന്ന് പരാതിക്കാരി ചൂണ്ടിക്കാട്ടി. ഇതോടെയാണ് മേൽവസ്ത്രം ധരിക്കാതെ നീന്തൽക്കുളങ്ങൾ ഉപയോഗിക്കാൻ സ്ത്രീകൾക്ക് അനുമതി നൽകിയത്.

സെനറ്റിന്റെ ഉത്തരവ് സ്വാഗതാർഹമാണെന്നും ലിംഗ വിവേചനം ഒഴിവാക്കപ്പെടേണ്ടതാണെന്നും അധികാരികൾ പറഞ്ഞു.