പണം വാരുന്നതിന് ഒരു പരിധി വേണ്ടേ; ബി.സി.സി.ഐക്ക് വീണ്ടും ലഭിക്കാന്‍ പോവുന്നത് 800 കോടി; സ്‌പോണ്‍സര്‍ഷിപ്പിന് വാലില്‍ തൂങ്ങി വമ്പന്‍മാര്‍
സ്പോര്‍ട്സ് ഡെസ്‌ക്
Saturday, 12th March 2022, 1:11 pm
ക്രിക്കറ്റിന്റെ വശ്യത കൊണ്ടും പണംവാരല്‍ കൊണ്ടും ലോകത്തെ തന്നെ ഏറ്റവും മികച്ച ഫ്രാഞ്ചൈസി ലീഗില്‍ ഒന്നായ ഐ.പി.എല്ലില്‍ നിന്നും വീണ്ടും പണം വാരാനുള്ള ഒരുക്കത്തിലാണ് ബി.സി.സി.ഐ.
സ്‌പോണ്‍സര്‍ഷിപ്പ് അടക്കമുള്ള ഇനത്തില്‍ നിന്നും ഈ സീസണില്‍ നിന്നുമാത്രം 800 കോടി രൂപയുടെ വരുമാനം ഉണ്ടാക്കുമെന്നാണ് കരുതുന്നത്. 2008ല്‍ ടൂര്‍ണമെന്റ് ആരംഭിച്ചതുമുതലുള്ള ഏറ്റവും വലിയ തുകയാണിത്.
ടൂര്‍ണമെന്റിന്റെ സ്‌പോണ്‍സര്‍ഷിപ്പിന് ബി.സി.സി.ഐയുടെ പിന്നാലെ കൂടിയിരിക്കുന്നത് ഒമ്പതിലധികം ബിസിനസ് ജയന്റ്‌സ് ആണ്, അതില്‍ രണ്ടെണ്ണം പുതിയതും.
നേരത്തെ, ഐ.പി.എല്ലിന്റെ സ്‌പോണ്‍സര്‍ സ്ഥാനത്ത് നിന്നും വിവോയെ മാറ്റിയതും രണ്ട് വര്‍ഷത്തേക്ക് ടാറ്റയെ ടൈറ്റില്‍ സ്‌പോണ്‍സറാക്കുകയും ചെയ്തിരുന്നു. ഈയിനത്തില്‍ 35 കോടി രൂപയാണ് വര്‍ഷാവര്‍ഷം ടാറ്റ ബി.സി.സി.ഐയ്ക്ക് നല്‍കുന്നത്.
