ബാബു ആന്റണിയുടെ മകനും പങ്കാളിയും സിനിമയിലേക്ക്, ഒപ്പം അമേരിക്കന്‍ വില്ലനും; പാന്‍ ഇന്ത്യന്‍ മൂവി 'ദി ഗ്രേറ്റ് എസ്‌കേപ്പ്'
എന്റര്‍ടെയിന്‍മെന്റ് ഡെസ്‌ക്
Monday, 22nd May 2023, 8:28 am
കൊച്ചി: ബാബു ആന്റണി, മകന്‍ ആര്‍തര്‍ ബാബു ആന്റണി, ലോകപ്രശസ്ത ഗുസ്തി താരവും അമേരിക്കന്‍ ചലച്ചിത്രങ്ങളിലെ വില്ലന്‍ കഥാപാത്രങ്ങളിലൂടെ ശ്രദ്ധേയനായ ചാസ് ടെയ്‌ലര്‍ എന്നിവരെ കേന്ദ്രകഥാപാത്രങ്ങളാക്കി നവാഗത സംവിധായകന്‍ സന്ദീപ് .ജെ .എല്‍. ഒരുക്കുന്ന പാന്‍ ഇന്ത്യന്‍ മാസ് ആക്ഷന്‍ ത്രില്ലര്‍ ‘ദി ഗ്രേറ്റ് എസ്‌കേപ്പ്’ 26 ന് റിലീസ് ചെയ്യും.
സൗത്ത് ഇന്ത്യന്‍ യു.എസ്. ഫിലിംസിന്റെ ബാനറില്‍ അമേരിക്കന്‍ മലയാളികളായ സുഹൃത്തുക്കള്‍ സംയുക്തമായാണ് ചിത്രം നിര്‍മിക്കുന്നതെന്ന് നടന്‍ ബാബു ആന്റണി വാര്‍ത്താ സമ്മേളനത്തില്‍ അറിയിച്ചു. ഹോളിവുഡ്, തായ്‌ലന്റ്, എന്നിവിടങ്ങളില്‍ നിന്നുള്ള ഇന്റര്‍നാഷണല്‍ അഭിനേതാക്കളാണ് ചിത്രത്തില്‍ അഭിനയിക്കുന്നത്.
