സ്പോര്‍ട്സ് ഡെസ്‌ക്23 min
അര്‍ജന്റൈന്‍ വൈസ് പ്രസിഡന്റ് ക്രിസ്റ്റീന ഫെര്‍ണാണ്ടസ് ഡി കിര്‍ച്‌നറിനെതിരായ (Cristina Fernández de Kirchner) വധശ്രമത്തിന് പിന്നാലെ രാജ്യത്തെ എല്ലാ ഫുട്‌ബോള്‍ മത്സരങ്ങളും താത്കാലികമായി നിര്‍ത്തിവെച്ചതായി അര്‍ജന്റീന ഫുട്‌ബോള്‍ അസോസിയേഷന്‍ (എ.എഫ്.എ) അറിയിച്ചു.
എ.എഫ്.എയെയും അര്‍ജന്റൈന്‍ പ്രസിഡന്റിനെയും ഉദ്ധരിച്ച് ഇ.എസ്.പി.എന്‍ ജേര്‍ണലിസ്റ്റ് അലക്‌സ് കിര്‍ക്ലാന്‍ഡാണ് വാര്‍ത്ത റിപ്പോര്‍ട്ട് ചെയ്യുന്നത്. ഇതിന് പിന്നാലെ വെള്ളിയാഴ്ച നടക്കേണ്ടിയിരുന്ന എല്ലാ ഫുട്‌ബോള്‍ മത്സരങ്ങളും മാറ്റിവെച്ചതായും റിപ്പോര്‍ട്ടില്‍ പറയുന്നു.
‘വൈസ് പ്രസിഡന്റ് ക്രിസ്റ്റീന ഫെര്‍ണാണ്ടസ് ഡി കിര്‍ച്‌നറിനെതിരെ നടന്ന സംഭവത്തില്‍ അര്‍ജന്റീന ഫുട്‌ബോള്‍ അസോസിയേഷന്‍ ശക്തമായ പ്രതിഷേധം രേഖപ്പെടുത്തുന്നു,’ എ.എഫ്.എ പുറത്തുവിട്ട പ്രസ്താവനയില്‍ പറയുന്നു.
🇦🇷 En Argentina, tras el atentado a la vicepresidenta Cristina Kirchner, la @afa sacó un comunicado en repudio y avisando que los partidos que se iban a jugar mañana quedan suspendidos. pic.twitter.com/6DSFPqK2vJ
— Fútbol y Política (@FutboliPolitica) September 2, 2022
വൈസ് പ്രസിഡന്റിനെതിരെ നടന്ന വധശ്രമത്തിന് പിന്നാലെ വെള്ളിയാഴ്ച നാഷണല്‍ ഹോളിഡേ ആയും അര്‍ജന്റീന പ്രഖ്യാപിച്ചിരുന്നു. ഇതിന് പിന്നാലെയാണ് ഫുട്‌ബോള്‍ മത്സരങ്ങള്‍ സസ്‌പെന്റ് ചെയ്തതായി ഫെഡറേഷന്‍ അറിയിച്ചത്.
ഫസ്റ്റ് ഡിവിഷനില്‍ നടക്കാനുണ്ടായിരുന്ന മൂന്ന് മത്സരങ്ങളും ഇതോടെ സസ്‌പെന്റ് ചെയ്യുകയായിരുന്നു. ഇതിന് പുറമെ തേര്‍ഡ് ഡിവിഷന്‍ മത്സരങ്ങളും വുമണ്‍സ് ചാമ്പ്യന്‍ഷിപ്പും റിസര്‍വ് ലീഗുകളും നിര്‍ത്തി വെച്ചിരിക്കുകയാണ്. മറ്റേതെങ്കിലും ദിവസങ്ങളിലേക്ക് ഈ മത്സരങ്ങള്‍ റീ ഷെഡ്യൂള്‍ ചെയ്യുമെന്നാണ് വിവരം.
#Programación | Sobre la actividad suspendida de hoy:#Lanús – #Tigre se jugará el sábado a las 13.#RosarioCentral – #Talleres el sábado a las 13.#Patronato – #Unión el domingo a las 15.30.
— Liga Profesional de Fútbol (@LigaAFA) September 2, 2022
വിടിനടുത്ത് വെച്ചായിരുന്നു ക്രിസ്റ്റീന ഫെര്‍ണാണ്ടസ് ഡി കിര്‍ച്‌നറിനെതിര കൊലയാളി വെടിയുതിര്‍ത്തത്. എന്നാല്‍ ലക്ഷ്യം തെറ്റുകയും കിര്‍ച്‌നര്‍ രക്ഷപ്പെടുകയുമായിരുന്നു.
Content Highlight: Argentina Suspends All Football Matches After Assassination Attempt on Vice President Cristina Fernández de Kirchner
