മെസിയെ ഒരിക്കലും ടീമിലെത്തിക്കാന്‍ ആഗ്രഹിക്കുന്നില്ലെന്ന് സൗദി പ്രോ ലീഗിലെ അല്‍ – താഈ എഫ്.സിയുടെ ചീഫ് ടര്‍കി അല്‍ – ദാബാന്‍. മുഴുവനും കത്തിത്തീര്‍ന്ന ഒരു വേള്‍ഡ് ക്ലാസ് താരത്തെ ടീമിലെത്തിക്കാന്‍ താന്‍ ആഗ്രഹിക്കുന്നില്ലെന്നും ബയേണ്‍ മ്യൂണിക്കിനെതിരായ മത്സരത്തില്‍ താരത്തിന്റെ പ്രകടനം മോശമായിരുന്നുവെന്നും അദ്ദേഹം അഭിപ്രായപ്പെട്ടു.
സൗദി അറേബ്യന്‍ മാധ്യമമായ എസ്.ബി.സിക്ക് നല്‍കിയ അഭിമുഖത്തിലായിരുന്നു അല്‍ – ദാബാന്‍ ഇക്കാര്യം പറഞ്ഞത്.
‘ബയേണ്‍ മ്യൂണിക്കിനെതിരായ മത്സരത്തില്‍ ഗ്രൗണ്ടിലിരുന്ന് കളി കണ്ട മെസിയെ പോലെ, കത്തിത്തീര്‍ന്ന ഒരു ലോകോത്തര താരത്തെ ടീമിലെത്തിക്കാന്‍ ഞാന്‍ ആഗ്രഹിക്കുന്നില്ല,’ എന്നായിരുന്നു അദ്ദേഹം പറഞ്ഞത്.
🗣️ تركي الضبعان رئيس الطائي عبر SBC
“لا أرغب في التعاقد مع لاعب عالمي في فريقي ويكون متشبع ويشاهد المباراة من الملعب مثل ميسي أمام بايرن ميونخ”. 🔥 pic.twitter.com/0ehve7mf0M
— موقع جول السعودي – GOAL (@GoalSA) March 28, 2023
സൂപ്പര്‍ താരം ക്രിസ്റ്റ്യാനോ റൊണാള്‍ഡോയുടെ വരവോടെയാണ് സൗദി പ്രോ ലീഗ് അന്താരാഷ്ട്ര ചര്‍ച്ചകളിലേക്കുയര്‍ന്നത്. അല്‍ നസറുമായി താരം കരാറിലെത്താന്‍ പോകുന്നു എന്ന വാര്‍ത്തകള്‍ വന്നപ്പോള്‍ തന്നെ ടീമും ലീഗും യൂറോപ്യന്‍ ആരാധകര്‍ക്കിടയില്‍ പോലും ചര്‍ച്ചയായിരുന്നു.
