'ഹായ് ചെല്ലം ഞങ്ങള്‍ വീണ്ടും ഒന്നിച്ചു'; വില്ലിന് ശേഷം പ്രകാശ് രാജും വിജയും ദളപതി 66ല്‍ ഒന്നിക്കുന്നു: ചിത്രം പങ്കുവെച്ച് പ്രകാശ് രാജ്
ഡൂള്‍ന്യൂസ് ഡെസ്‌ക്
Monday, 23rd May 2022, 12:07 am
വിജയുടെ ഏറ്റവും പുതിയ ചിത്രത്തിന് ആരാധകര്‍ ഒന്നടങ്കം കാത്തിരിക്കുകയാണ്. വിജയുടെ 66മത്തെ ചിത്രമായത് കൊണ്ട് തന്നെ ദളപതി 66 എന്നാണ് ചിത്രത്തിന്റെ ഇപ്പോഴത്തെ പേര്.
വന്‍താര നിരയാണ് ചിത്രത്തില്‍ അണിനിരക്കുന്നതെന്നാണ് പുറത്തുവരുന്ന റിപ്പോര്‍ട്ടുകള്‍. ഇപ്പോഴിതാ ചിത്രത്തിന്റെ ഭാഗമായ പ്രകാശ് രാജ് വിജയുമായി നില്‍ക്കുന്ന ചിത്രം പങ്കുവെവെച്ചിരിക്കുകയാണ്. ട്വിറ്റിലാണ് താരം ചിത്രം പങ്കുവെച്ചിരിക്കുന്നത്. വില്ലിന് ശേഷം ഇരുവരും ഒന്നിക്കുന്ന ചിത്രം എന്ന പ്രത്യേകത കൂടി ഈ സിനിമയ്ക്കുണ്ട്.
‘ഹായ് ചെല്ലം ഞങ്ങള്‍ വിണ്ടും ഒന്നിച്ചു’ എന്ന തലക്കെട്ടൊടെയാണ് ചിത്രം പ്രകാശ് രാജ് പങ്കുവെച്ചിരിക്കുന്നത്.
വംശി പൈഡിപള്ളിയാണ് ചിത്രം സംവിധാനം ചെയ്യുന്നത്. തമിഴിലും തെലുങ്കിലും ഒരേസമയം നിര്‍മ്മിക്കുന്ന ചിത്രത്തിനായി തമന്‍ ആണ് സംഗീത സംവിധാനം നിര്‍വഹിക്കുന്നത്.
