'നല്ല നടപ്പ്'; 2000ത്തോളം താലിബാന്‍ തടവുകാരെ മോചിപ്പിക്കുമെന്ന് അഫ്ഗാനിസ്ഥാന്‍; വീണ്ടും യുദ്ധക്കളത്തിലേക്ക് അയക്കരുതെന്ന് അമേരിക്ക
ഡൂള്‍ന്യൂസ് ഡെസ്‌ക്
Monday, 25th May 2020, 4:36 pm
കാബൂള്‍: 2000ത്തോളം താലിബാന്‍ തടവുകാരെ മോചിപ്പാക്കാനുള്ള നടപടി ആരംഭിച്ച് അഫ്ഗാനിസ്ഥാന്‍. ‘നല്ലനടപ്പിന്റെ’ ഭാഗമായാണ് താലിബാന്‍ തടവുകാരെ മോചിപ്പിക്കാന്‍ ഒരുങ്ങുന്നതെന്ന് അഫ്ഗാനിസ്ഥാന്‍ പ്രസിഡന്റ് അഷറഫ് ഘാനിയുടെ വക്താവ് സെഡിക് സെഡിഖി അറിയിച്ചു.
ഈദ് അല്‍ ഫിത്തര്‍ അവധിക്കാലത്ത് മൂന്ന് ദിവസത്തെ വെടിനിര്‍ത്തല്‍ പ്രഖ്യാപിച്ച സായുധ സംഘത്തിന്റെ പ്രഖ്യാപനത്തെ സര്‍ക്കാര്‍ സ്വാഗതം ചെയ്തതിന് പിന്നാലെയാണ് ഈ നീക്കം.
