അവസരം കിട്ടുമ്പോഴെല്ലാം അഭിപ്രായം തുറന്നുപറയാറുണ്ട്: നവ്യ നായര്‍
എന്റര്‍ടെയിന്‍മെന്റ് ഡെസ്‌ക്
Friday, 17th December 2021, 12:11 pm
തിരുവനന്തപുരം: അവസരം കിട്ടുന്നിടത്തെല്ലാം അഭിപ്രായം തുറന്നുപറയാന്‍ മടിക്കാറില്ലെന്ന് നടി നവ്യ നായര്‍. മികച്ച നടിക്കുള്ള കൊട്ടാരക്കര ഭരത് മുരളി കള്‍ച്ചറല്‍ സെന്ററിന്റെ 12-ാമത് ചലച്ചിത്ര പുരസ്‌കാരം സ്വീകരിച്ച് സംസാരിക്കുകയായിരുന്നു നവ്യ.
സംസ്ഥാന അവാര്‍ഡ് ജൂറിയില്‍ അംഗമായിരുന്നപ്പോഴും നടിയെന്ന നിലയില്‍ തന്റെ നിലപാടുകള്‍ വ്യക്തമാക്കിയിട്ടുണ്ടെന്നും അത് വഴക്കിടലായിരുന്നില്ലെന്നും നവ്യ പറഞ്ഞു.
മനസ്സിലുള്ളതു പറയാന്‍ അവസരം കിട്ടാതിരുന്നപ്പോഴൊക്കെ മിണ്ടാതിരുന്നിട്ടുണ്ടെന്നും നവ്യ പറഞ്ഞു.
സിബി മലയില്‍-ദിലീപ് കൂട്ടുകെട്ടിലിറങ്ങിയ ഇഷ്ടത്തിലൂടെയാണ് നവ്യ സിനിമയിലെത്തുന്നത്. രഞ്ജിതിന്റെ നന്ദനത്തിലെ ബാലാമണി എന്ന കഥാപാത്രത്തിലൂടെ മലയാളത്തിലെ മുന്‍നിര നായികയായി.
