ഹരിപ്രിയ എന്നെ പോലെ, സിമിയിലും സുഹറയിലും ഞാനില്ല: ഗ്രേസ് ആന്റണി
എന്റര്‍ടെയിന്‍മെന്റ് ഡെസ്‌ക്
Wednesday, 17th November 2021, 5:41 pm
കനകം കാമിനി കലഹത്തിലെ നായികയായ ഹരിപ്രിയയില്‍ തന്നെ തന്നെയാണ് കണ്ടതെന്ന് ഗ്രേസ് ആന്റണി. മാതൃഭൂമിക്ക് അനുവദിച്ച അഭിമുഖത്തിലാണ് ഗ്രേസ് മനസ് തുറന്നത്.
കനകം കാമിനി കലഹത്തിലെ നായിക സീരിയല്‍ നടിയാണ്. ഹരിപ്രിയയുടേത് പോലെ പറയാനുള്ള കാര്യങ്ങള്‍ പറയുന്ന വ്യക്തിയാണ് ഞാനും. പക്ഷേ കുമ്പളങ്ങിയിലെ സിമിയിലും ഹലാല്‍ ലവ് സ്റ്റോറിയിലെ സുഹ്‌റയിലും താനില്ലെന്നും ഗ്രേസ് പറയുന്നു.
ഇനിയും ഇതുപോലുള്ള നല്ല കഥാപാത്രങ്ങള്‍ ചെയ്യണമെന്ന് തന്നെയാണ് ആഗ്രഹം. കുമ്പളങ്ങി കഴിഞ്ഞ സമയത്ത് സിമി എന്ന് വിളിച്ചവര്‍ ഇപ്പോള്‍ ഹരിപ്രിയയെന്ന് വിളിക്കുന്നു.
എന്റെ സന്തോഷവും സമാധാനവും ഇത് തന്നെയാണ്. ഈ അഞ്ചു വര്‍ഷം കൊണ്ട് ഇത്രയും നല്ല കഥാപാത്രങ്ങള്‍ ചെയ്യാനായതില്‍ സന്തോഷമെന്നും ഗ്രേസ് പറഞ്ഞു.
