നിങ്ങള്‍ക്ക് ഇതും വശമുണ്ടോ ?; യൊഹാനിയുടെ പാട്ടിന് കഹോണില്‍ താളം പിടിച്ച് പൃഥ്വിരാജ്; വീഡിയോ പങ്കുവെച്ച് സുപ്രിയ
എന്റര്‍ടെയിന്‍മെന്റ് ഡെസ്‌ക്
Thursday, 23rd September 2021, 10:12 am
കൊച്ചി: അഭിനയത്തിന് പുറമെ സിനിമയിലെ മറ്റു മേഖലകളിലും കഴിവു തെളിയിച്ച വ്യക്തിയാണ് പൃഥ്വിരാജ്. സംവിധായകനായും ഗായകനായും നിര്‍മ്മാതാവായുമെല്ലാം പൃഥ്വിരാജിനെ കണ്ടിട്ടുണ്ട്.
ഇപ്പോഴിതാ നല്ലൊരു കഹോണ്‍ ആര്‍ട്ടിസ്റ്റ് കൂടിയാണെന്ന് താനെന്ന് തെളിയിക്കുകയാണ് പൃഥ്വിരാജ്. ആഗോള തലത്തില്‍ ശ്രദ്ധേയമായ ശ്രീലങ്കന്‍ ഗായിക യൊഹാനിയുടെ ‘മനികെ മാഗേ ഹിതെ’ എന്ന ഗാനത്തിനാണ് പൃഥ്വിരാജ് കഹോണില്‍ താളം പിടിച്ചത്.
പൃഥ്വി ഗാനത്തിന് കഹോണില്‍ താളം പിടിക്കുന്നതിന്റെ വീഡിയോ സുപ്രിയ മേനോന്‍ ഇന്‍സ്റ്റഗ്രാമില്‍ പങ്കുവെച്ചു. ജെ.ടിക്കൊപ്പമുള്ള സംഗീത രാത്രി കൂടെ നല്ല ഭക്ഷണവും എന്നാണ് വീഡിയോയ്ക്ക് സുപ്രിയ നല്‍കിയിരിക്കുന്ന അടികുറിപ്പ്.
