ഉത്സവപ്പറമ്പുകളിലൊക്കെ നടന്ന് എന്റെ മിമിക്രി വെയ്ക്കുമോ എന്ന് അങ്ങോട്ട് ചോദിച്ചിരുന്നു; ഓര്‍മ്മകള്‍ പങ്കുവെച്ച് ജയറാം
ഡൂള്‍ന്യൂസ് ഡെസ്‌ക്
Sunday, 27th June 2021, 9:23 am
കൊച്ചി: മിമിക്രി രംഗത്ത് നിന്ന് മലയാള സിനിമയിലെത്തി കുടുംബപ്രേക്ഷകരുടെ ഇഷ്ടതാരമായി മാറിയ നടനാണ് ജയറാം. മലയാളത്തിന്റെ മികച്ച സംവിധായകരോടൊപ്പം തുടക്കകാലത്ത് തന്നെ പ്രവര്‍ത്തിക്കാനും അദ്ദേഹത്തിന് സാധിച്ചിട്ടുണ്ട്.
കുട്ടികളുടെ അഭിരുചികള്‍ അറിഞ്ഞ് അവരെ ആ രീതിയില്‍ വളര്‍ത്തുന്നതാണ് എല്ലാം കൊണ്ടും നല്ലതെന്ന് പറയുകയാണ് ജയറാം. 2017ല്‍ കൈരളി ടിവിയ്ക്ക് നല്‍കിയ അഭിമുഖത്തിലായിരുന്നു ജയറാമിന്റെ പരാമര്‍ശം.
മിമിക്രി ചെയ്യാനുള്ള തന്റെ ആഗ്രഹത്തെ അംഗീകരിക്കാനും അഭിനന്ദിക്കാനും തന്റെ വീട്ടുകാര്‍ തയ്യാറായതാണ് താന്‍ ഇന്ന് ഈ രംഗത്തെത്താന്‍ കാരണമെന്നും അദ്ദേഹം പറഞ്ഞു.
മിമിക്രിയെന്ന കലയാണ് എന്നെ ഇതുവരെയത്തിച്ചത്. കുട്ടിക്കാലത്തെ എന്റെ മിമിക്രിയാണ് എന്നെ കോളേജ് ലെവലില്‍ എത്തിച്ച് അവിടുന്ന് ഇന്റര്‍ കോളിജിയേറ്റ് മത്സരങ്ങളില്‍ ഒക്കെ പങ്കെടുക്കാന്‍ സഹായിച്ചത്.
