കരിയറിലെ വ്യത്യസ്ത കഥാപാത്രവുമായി ബിജു മേനോന്റെ ഞെട്ടിക്കുന്ന വേഷ പകര്‍ച്ച. 72 വയസുകാരനായിട്ടാണ് ബിജു മേനോന്‍ എത്തുന്നത്. സനു ജോണ്‍ വര്‍ഗീസ് സംവിധാനം നിര്‍വഹിക്കുന്ന ചിത്രത്തില്‍ പാര്‍വതിയും ഷറഫുദീനുമാണ് പ്രധാനകഥാപാത്രങ്ങളാവുന്നത്.
72 വയസുള്ള റിട്ടേര്‍ഡ് അദ്ധ്യാപകന്‍ ആയിട്ടാണ് ബിജു മേനോന്‍ എത്തുന്നത്. ബിജുമേനോന്റെ മകളായിട്ടാണ് പാര്‍വ്വതി തിരുവോത്ത് എത്തുന്നത്.
മൂണ്‍ഷോട്ട് എന്റര്‍ടൈന്‍മെന്റ്‌സും ഒ പി എം ഡ്രീം മില്‍ സിനിമാസും ചേര്‍ന്ന് നിര്‍മ്മിക്കുന്ന സാനു ജോണ്‍ വര്‍ഗീസ് ചിത്രം ആര്‍ക്കറിയാമിന്റെ ടീസറും ഫസ്റ്റ് ലുക്കും കമല്‍ ഹാസനും ഫഹദ് ഫാസിലുമായിരുന്നു പുറത്തിറക്കിയത്. ചിത്രത്തിനും അണിയറ പ്രവര്‍ത്തകര്‍ക്കും ആശംസകള്‍ നേര്‍ന്നാണ് താരങ്ങള്‍ ഒഫീഷ്യല്‍ ടീസറും ഫസ്റ്റ് ലുക്ക് പോസ്റ്ററും പങ്കുവെച്ചത്.
മഹേഷ് നാരായണനാണ് എഡിറ്റിംഗ്. നേഹാ നായരും യാക്‌സണ്‍ ഗാരി പെരേയുമാണ് സംഗീതം. അന്‍വര്‍ അലിയാണ് ഗാനരചന. മഹേഷ് നാരായണന്‍ എഡിറ്റിംഗ് നിര്‍വഹിച്ചിരിക്കുന്ന ചിത്രത്തിന്റെ തിരക്കഥ എഴുതിയിരിക്കുന്നത് സാനു ജോണ്‍ വര്‍ഗീസും, രാജേഷ് രവിയും, അരുണ്‍ ജനാര്‍ദ്ദനനും ചേര്‍ന്നാണ്.
2021 ഫെബ്രുവരി 26നാണ് ‘ആര്‍ക്കറിയാം’ റിലീസിനെത്തും.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
