ബോളിവുഡ് അരങ്ങേറ്റത്തിന് ഒരുങ്ങി ആമീര്‍ ഖാന്റെ മകന്‍; അഭിനയിക്കുന്നത് മലയാള ചിത്രത്തിന്റെ റീമേക്കില്‍
എന്റര്‍ടെയിന്‍മെന്റ് ഡെസ്‌ക്
Friday, 16th October 2020, 11:31 pm
മുംബൈ: നടന്‍ ആമീര്‍ ഖാന്റെ മകന്‍ ജുനൈദ് സിനിമയിലേക്ക്. മലയാളത്തിലെ കഴിഞ്ഞ വര്‍ഷത്തെ ഹിറ്റ് ചിത്രങ്ങളില്‍ ഒന്നായ ഇഷ്‌കിന്‍റെ റീമേക്കിലാണ് ജുനൈദ് നായകനാവുന്നത്.
മൂന്നുവര്‍ഷമായി നാടക രംഗത്ത് സജീവമാണ് ജുനൈദ്. നീരജ് പാണ്ഡെയാണ് ചിത്രം സംവിധാനം ചെയ്യുന്നത്.ഹിന്ദി തിരക്കഥ പൂര്‍ത്തിയായതായി നേരത്തേ നീരജ് പറഞ്ഞിരുന്നു.
എ വെനസ്‌ഡേ, സ്‌പെഷ്യല്‍ ഛബ്ബീസ്, എം.എസ് ധോണി എന്നീ ചിത്രങ്ങള്‍ ഒരുക്കിയ ഹിറ്റ് സംവിധായകനാണ് നീരജ് പാണ്ഡേ. അതേസമയം മലയാളത്തിലെ ഹിറ്റ് ചിത്രം പുതിയ നിയമവും നീരജ് റീമേക്ക് റൈറ്റ് സ്വന്തമാക്കിയിട്ടുണ്ട്.
