ഐ.സി.സി ചാമ്പ്യന്‍സ് ട്രോഫിക്കായുള്ള കാത്തിരിപ്പിലാണ് ക്രിക്കറ്റ് ആരാധകര്‍. ക്രിക്കറ്റ് ലോകത്തെ ഏറ്റവും മികച്ച എട്ട് ടീമുകള്‍ കിരീടത്തിനായി പോരാടുമ്പോള്‍ ഫെബ്രുവരി 19 മുതല്‍ മാര്‍ച്ച് ഒമ്പത് വരെയുള്ള രണ്ടാഴ്ചക്കാലം ആരാധകര്‍ക്ക് വിരുന്ന് തന്നെയായിരിക്കും.

2023 ഏകദിന ലോകകപ്പ് പോയിന്റ് ടേബിളില്‍ ആദ്യ എട്ടില്‍ സ്ഥാനം പിടിച്ച ടീമുകളാണ് ചാമ്പ്യന്‍സ് ട്രോഫി കളിക്കുന്നത്. നാല് ടീമുകള്‍ വീതമുള്ള രണ്ട് ഗ്രൂപ്പുകളായി തിരിച്ചാണ് മത്സരം.

ഗ്രൂപ്പ് എ

ബംഗ്ലാദേശ്
ഇന്ത്യ
ന്യൂസിലാന്‍ഡ്
പാകിസ്ഥാന്‍

ഗ്രൂപ്പ് ബി

അഫ്ഗാനിസ്ഥാന്‍
ഓസ്‌ട്രേലിയ
ഇംഗ്ലണ്ട്
സൗത്ത് ആഫ്രിക്ക

ആദ്യ ഘട്ടത്തില്‍ ഓരോ ടീമുകളും മൂന്ന് മത്സരം വീതം കളിക്കും. ഓരോ ഗ്രൂപ്പില്‍ നിന്നും ആദ്യ രണ്ട് സ്ഥാനക്കാര്‍ക്കാണ് സെമി ഫൈനലിന് യോഗ്യത ലഭിക്കുക.

ഇപ്പോള്‍ ചാമ്പ്യന്‍സ് ട്രോഫിയിലെ തന്റെ സെമി ഫൈനലിസ്റ്റുകളെ തെരഞ്ഞെടുക്കുകയാണ് ഇന്ത്യന്‍ ഇതിഹാസ താരം സഹീര്‍ ഖാന്‍.

ഗ്രൂപ്പ് എ-യില്‍ നിന്നും ഇന്ത്യയും ന്യൂസിലാന്‍ഡും സെമിയിലെത്തുമ്പോള്‍ ഗ്രൂപ്പ് ബി-യില്‍ നിന്നും ഓസ്‌ട്രേലിയയും സൗത്ത് ആഫ്രിക്കയുമാണ് മുന്നോട്ട് കുതിക്കുക എന്നാണ് സഹീര്‍ ഖാന്‍ അഭിപ്രായപ്പെടുന്നത്.

‘ഇന്ത്യ സെമി ഫൈനല്‍ കളിക്കുമെന്ന കാര്യത്തില്‍ ഒരു സംശയവും വേണ്ട. ഇന്ത്യക്ക് പുറമെ ഓസ്‌ട്രേലിയയും സെമിയിലുണ്ടാകും. ഈ ടൂര്‍ണമെന്റില്‍ ന്യൂസിലാന്‍ഡ് എല്ലായ്‌പ്പോഴും മികച്ച പ്രകടനമാണ് പുറത്തെടുക്കാറുള്ളത്. ഞാന്‍ തെരഞ്ഞെടുക്കുന്ന നാലാമത് ടീം സൗത്ത് ആഫ്രിക്കയാണ്,’ മീഡിയ ഇന്ററാക്ഷനിടെ സഹീര്‍ ഖാന്‍ പറഞ്ഞു.

പാകിസ്ഥാന്റെ പ്രകടനങ്ങളെ കുറിച്ചും സഹീര്‍ ഖാന്‍ സംസാരിച്ചു. പാകിസ്ഥാന്‍ ഒട്ടും സ്ഥിരതയോടെയല്ല കളിക്കുന്നത് എന്നാണ് സഹീര്‍ അഭിപ്രാപ്പെട്ടത്.

സഹീര്‍ ഖാന്‍ തെരഞ്ഞെടുത്ത നാല് ടീമുകളുടെയും ചാമ്പ്യന്‍സ് ട്രോഫി സ്‌ക്വാഡ് (നിലവില്‍)

ഇന്ത്യ

രോഹിത് ശര്‍മ (ക്യാപ്റ്റന്‍), ശുഭ്മന്‍ ഗില്‍, വിരാട് കോഹ്‌ലി, ശ്രേയസ് അയ്യര്‍, ഹര്‍ദിക് പാണ്ഡ്യ, അക്സര്‍ പട്ടേല്‍, കെ.എല്‍. രാഹുല്‍ (വിക്കറ്റ് കീപ്പര്‍), വാഷിങ്ടണ്‍ സുന്ദര്‍, കുല്‍ദീപ് യാദവ്, ജസ്പ്രീത് ബുംറ, മുഹമ്മദ് ഷമി, അര്‍ഷ്ദീപ് സിങ്, യശസ്വി ജെയ്സ്വാള്‍, റിഷബ് പന്ത് (വിക്കറ്റ് കീപ്പര്‍), രവീന്ദ്ര ജഡേജ.

ന്യൂസിലാന്‍ഡ്

മാര്‍ക് ചാപ്മാന്‍, ഡെവോണ്‍ കോണ്‍വേ (വിക്കറ്റ് കീപ്പര്‍), മാറ്റ് ഹെന്‌റി, ടോം ലാഥം (വിക്കറ്റ് കീപ്പര്‍), ഡാരില്‍ മിച്ചല്‍, മിച്ചല്‍ സാന്റ്നര്‍ (ക്യാപ്റ്റന്‍), കെയ്ന്‍ വില്യംസണ്‍, വില്‍ ഒ റൂര്‍ക്ക്, വില്‍ യങ്, മൈക്കല്‍ ബ്രേസ്‌വെല്‍, ഗ്ലെന്‍ ഫിലിപ്‌സ്, രചിന്‍ രവീന്ദ്ര, ബെന്‍ സിയേഴ്‌സ്, നഥാന്‍ സ്മിത്, ലോക്കി ഫെര്‍ഗൂസന്‍.

ഓസ്‌ട്രേലിയ

ട്രാവിസ് ഹെഡ്, ജോഷ് ഇംഗ്ലിസ് (വിക്കറ്റ് കീപ്പര്‍), മാര്‍നസ് ലബുഷാന്‍, മിച്ചല്‍ മാര്‍ഷ്, ഗ്ലെന്‍ മാക്‌സ്‌വെല്‍, മാറ്റ് ഷോര്‍ട്ട്, സ്റ്റീവ് സ്മിത്, പാറ്റ് കമ്മിന്‍സ് (ക്യാപ്റ്റന്‍), അലക്‌സ് കാരി (വിക്കറ്റ് കീപ്പര്‍), മിച്ചല്‍ സ്റ്റാര്‍ക്ക്, മാര്‍കസ് സ്റ്റോയ്നിസ്, ജോഷ് ഹെയ്സല്‍വുഡ്, ആദം സാംപ, നഥാന്‍ എല്ലിസ്, ആരോണ്‍ ഹാര്‍ഡി.

സൗത്ത് ആഫ്രിക്ക

തെംബ ബവുമ (ക്യാപ്റ്റന്‍), ടോണി ഡി സോര്‍സി, എയ്ഡന്‍ മര്‍ക്രം, ഹെന്‌റിക് ക്ലാസന്‍ (വിക്കറ്റ് കീപ്പര്‍), ഡേവിഡ് മില്ലര്‍, മാര്‍കോ യാന്‍സെന്‍, വിയാന്‍ മുള്‍ഡര്‍, റിയാന്‍ റിക്കല്‍ടണ്‍ (വിക്കറ്റ് കീപ്പര്‍), കേശവ് മഹാരാജ്, ലുങ്കി എന്‍ഗിഡി, കഗിസോ റബദ, തബ്രായിസ് ഷംസി, ട്രിസ്റ്റണ്‍ സ്റ്റബ്സ് (വിക്കറ്റ് കീപ്പര്‍), റാസി വാന്‍ ഡെര്‍ ഡസ്സന്‍

Content Highlight: Zaheer Khan predicts ICC Champions Trophy Semi Finalists