ശബരിമല ശാസ്താവിനെ മനസില്‍ ധ്യാനിച്ച് വോട്ട് ചെയ്യണം; പിണറായി വിജയന്റെ ഇരട്ട ചങ്കില്‍ തന്നെ കുത്തുന്ന തെരഞ്ഞെടുപ്പ് ആക്കണമെന്നും എ.പി അബ്ദുള്ളക്കുട്ടി
ഡൂള്‍ന്യൂസ് ഡെസ്‌ക്
Tuesday, 24th November 2020, 8:43 am
മലപ്പുറം: തദ്ദേശ തെരഞ്ഞെടുപ്പില് ശബരിമല ശാസ്താവിനെ മനസ്സിലോര്‍ത്ത് വേണം വോട്ട് ചെയ്യാനെന്ന് ബി.ജെ.പി ദേശീയ ഉപാധ്യക്ഷന്‍ എ.പി അബ്ദുള്ളക്കുട്ടി. മലപ്പുറം വണ്ടൂരില്‍ നടന്ന എന്‍.ഡി.എ സ്ഥാനാര്‍ത്ഥികളുടെ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അബ്ദുള്ളക്കുട്ടി.
ബി.ജെ.പി ന്യൂനപക്ഷ വിരുദ്ധമാണെന്ന കോണ്‍ഗ്രസും കമ്മ്യൂണിസ്റ്റും നടത്തിയ നുണപ്രചരണങ്ങളുടെ കാലം കഴിഞ്ഞെന്നും അതിനുള്ള തെളിവാണ് കേരളത്തില്‍ അങ്ങളോമിങ്ങോളം താമര ചിഹ്നത്തില്‍ മത്സരിക്കുന്ന മുസ്‌ലിം മതവിശ്വാസികളുടെ എണ്ണമെന്നും അബ്ദുള്ളക്കുട്ടി പറഞ്ഞു.
വികസന മുദ്രാവാക്യത്തിനൊപ്പം തന്നെ ബി.ജെ.പി തെരഞ്ഞടുപ്പില്‍ ഉയര്‍ത്തുന്ന മുഖ്യവിഷയം ശബരിമലയിലെ സ്ത്രീ പ്രവേശനമാണെന്നും അബ്ദുള്ളക്കുട്ടി പറഞ്ഞു.
