ഐ.പി.എല്‍ ആവേശത്തിനാണ് ഇന്ത്യ ഇനി ഒരുങ്ങുന്നത്. മാര്‍ച്ച് 31ന് നിലവിലെ ചാമ്പ്യന്‍മാരായ ഗുജറാത്ത് ടൈറ്റന്‍സും മുന്‍ ചാമ്പ്യന്‍മാരായ ചെന്നൈ സൂപ്പര്‍ കിങ്‌സും തമ്മില്‍ ഏറ്റുമുട്ടുന്നതോടെയാണ് ഐ.പി.എല്‍ 2023ന് തുടക്കമാവുന്നത്.
ഏറ്റവും മികച്ച രണ്ട് ക്യാപ്റ്റന്‍മാര്‍ തമ്മിലുള്ള പോരാട്ടം കൂടിയാണ് ചെന്നൈ സൂപ്പര്‍ കിങ്‌സ് – ഗുജറാത്ത് ടൈറ്റന്‍സ് പോരാട്ടം. സൂപ്പര്‍ കിങ്‌സിനെ പലകുറി ചാമ്പ്യന്‍മാരാക്കിയ എം.എസ്. ധോണിയും ആദ്യമായി ക്യാപ്റ്റന്‍സിയേറ്റെടുക്കുകയും ടീമിനെ കിരീടം ചൂടിക്കുകയും ചെയ്ത ഹര്‍ദിക്കും തമ്മിലുള്ള പോരാട്ടത്തിന് ആരാധകര്‍ ദിവസങ്ങളെണ്ണി കാത്തിരിക്കുകയാണ്.
📁 #TATAIPL 2023
👇
📂 Schedule
👇
📂 Save The DatesGear up to cheer for your favourite teams 🥁 👏 pic.twitter.com/za4J3b3qzc
— IndianPremierLeague (@IPL) February 17, 2023
ഐ.പി.എല്ലിന്റെ ചരിത്രത്തിലെ തന്നെ ഏറ്റവും മികച്ച ക്യാപ്റ്റനാണ് എം.എസ്. ധോണി. ഐ.പി.എല്‍ ആരംഭിച്ച 2008 മുതല്‍ ഇന്നുവരെ ചെന്നൈയുടെ നായകന്‍ ധോണി തന്നെയായിരുന്നു. കഴിഞ്ഞ സീസണിന്റെ തുടക്കത്തില്‍ ജഡേജയുമായി ക്യാപ്റ്റന്‍സി വെച്ചുമാറിയെങ്കിലും സീസണിന്റെ പകുതി വെച്ച് ആ സ്ഥാനം ഒരിക്കല്‍ക്കൂടി ധോണി എടുത്തണിയുകയായിരുന്നു.
