ചെന്നൈ: അന്തരിച്ച മുന്‍ കേന്ദ്രമന്ത്രിമാരായ സുഷമ സ്വരാജ്, അരുണ്‍ ജെയ്റ്റ്‌ലി എന്നിവരെപ്പറ്റി ഡി.എം.കെ നേതാവ് ഉദയനിധി സ്റ്റാലിന്‍ നടത്തിയ പരാമര്‍ശങ്ങള്‍ ഡി.എം.കെയ്‌ക്കെതിരെ ആയുധമാക്കി ബി.ജെ.പി.
പ്രധാനമന്ത്രി നരേന്ദ്രമോദിയുടെ സമ്മര്‍ദ്ദം താങ്ങാനാകാതെയാണ് ഇരുവരും മരിച്ചതെന്നായിരുന്നു ഉദയനിധി സ്റ്റാലിന്റെ പരാമര്‍ശം. ഇതിനെതിരെയാണ് വിമര്‍ശനവുമായി ബി.ജെ.പി നേതാക്കള്‍ രംഗത്തെത്തിയത്.
.@Udhaystalin ji, I know there is election pressure – but I won’t stay silent when you lie & disrespect my father’s memory.
Dad @arunjaitley & Shri @narendramodi ji shared a special bond that was beyond politics. I pray you are lucky enough to know such friendship…@BJP4India
— Sonali Jaitley Bakhshi (@sonalijaitley) April 1, 2021
തെരഞ്ഞെടുപ്പ് ചട്ടലംഘനമാണ് ഉദയനിധി സ്റ്റാലിന്റെ പ്രസ്താവനയെന്ന് ഒരു വിഭാഗം ട്വിറ്ററില്‍ കുറിച്ചു. തുടര്‍ന്ന് സുഷമ സ്വരാജിന്റെയും അരുണ്‍ ജെയ്റ്റ്‌ലിയുടെയും മക്കളും ഉദനിധിയെ വിമര്‍ശിച്ച് രംഗത്തെത്തിയതോടെ വിഷയം ഏറെ ചര്‍ച്ചയാവുകയായിരുന്നു.
തെരഞ്ഞെടുപ്പ് നേട്ടങ്ങള്‍ക്കായി തന്റെ അമ്മയുടെ പേര് വലിച്ചിഴയ്ക്കരുതെന്ന് സുഷമ സ്വരാജിന്റെ മകള്‍ ബാന്‍സുരി സ്വരാജ് ട്വിറ്ററിലെഴുതി. തെരഞ്ഞെടുപ്പ് അടുക്കുമ്പോഴുള്ള സമ്മര്‍ദ്ദങ്ങള്‍ മനസ്സിലാകുമെന്നും എന്നാല്‍ അതിനായി അന്തരിച്ച വ്യക്തികളെപ്പറ്റി വ്യാജപ്രചരണങ്ങള്‍ നടത്തരുതെന്നായിരുന്നു ജെയ്റ്റ്‌ലിയുടെ മകള്‍ ട്വിറ്ററിലെഴുതിയത്.
@udhaystalin ji please do not use my Mother’s memory for your poll propaganda! Your statements are false! PM @Narendramodi ji bestowed utmost respect and honour on my Mother. In our darkest hour PM and Party stood by us rock solid! Your statement has hurt us @mkstalin@BJP4India
തെരഞ്ഞെടുപ്പ് പ്രചരണത്തില്‍ നിന്ന് ഉദയനിധി സ്റ്റാലിനെ നീക്കണമെന്നാവശ്യപ്പെട്ട് തമിഴ്‌നാട് ബി.ജെ.പി ഘടകവും രംഗത്തെത്തിയിരുന്നു. വിഷയത്തില്‍ ഇതുവരെ ഡി.എം.കെ നേതൃത്വം പ്രതികരിച്ചിട്ടില്ല. ഏപ്രില്‍ ആറിനാണ് തമിഴ്‌നാട്ടില്‍ നിയമസഭാ തെരഞ്ഞെടുപ്പ് നടക്കുന്നത്.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
