മുംബൈ: ഗുജറാത്ത് തെരഞ്ഞെടുപ്പില്‍ ബി.ജെ.പിയുടെ വിജയത്തില്‍ പ്രധാനമന്ത്രി നരേന്ദ്ര മോദിയെ അഭിനന്ദിച്ച് ശിവസേന അധ്യക്ഷന്‍ ഉദ്ധവ് താക്കറെ.
പ്രധാനമന്ത്രി നരേന്ദ്ര മോദിയുടെ നേതൃത്വത്തിലാണ് ഗുജറാത്തില്‍ തെരഞ്ഞെടുപ്പ് നടന്നതെന്നും അതുകൊണ്ടാണ് വന്‍തോതില്‍ വോട്ട് ചെയ്തതെന്നും താക്കറെ പ്രസ്താവനയില്‍ പറഞ്ഞു.
മഹാരാഷ്ട്രയില്‍ നിന്നും ഗുജറാത്തിലേക്ക് കൊണ്ടുപോയ പദ്ധതികളും ഈ വിജയത്തിന് കാരണമായെന്നും അദ്ദേഹം പറഞ്ഞു. ഗുജറാത്തിലെ വിജയം ചരിത്രപരമാണെന്നും അദ്ദേഹം വ്യക്തമാക്കി.
‘ഗുജറാത്തിലെ റെക്കോര്‍ഡ് തകര്‍ത്ത ചരിത്രപരമായ വിജയത്തില്‍ ബി.ജെ.പിയെയും പ്രധാനമന്ത്രി മോദിയെയും ഞാന്‍ അഭിനന്ദിക്കുന്നു. ഗുജറാത്തില്‍ ആം ആദ്മി പാര്‍ട്ടിയുടെ വോട്ടുകള്‍ വിഭജിക്കുകയും അത് ബി.ജെ.പിക്ക് ഗുണം ചെയ്യുകയും ചെയ്തു,’ ഉദ്ധവ് താക്കറെ പറഞ്ഞു.
Maharashtra has also played major in the historic victory of BJP in Gujarat elections. Maharashtra sacrificed its several big ticket projects for Gujarat. Sharad Pawar & Uddhav Thackeray has same opinion that these mega project played major role in BJP’s victory in Gujarat.
— Sudhir Suryawanshi (@ss_suryawanshi) December 8, 2022
