[]ന്യൂയോര്‍ക്ക്: യു.എസ് ഓപ്പണ്‍ മത്സരത്തില്‍ റാഫേല്‍ നദാലും സെറീന വില്യംസും രണ്ടാം റൗണ്ടില്‍ പ്രവേശിച്ചു. നദാല്‍ അമേരിക്കയുടെ റയാന്‍ ഹാരിസണിനെതിരെ 6-4, 6-2, 6-2 എന്ന സ്‌കോറിനാണ് രണ്ടാം റൗണ്ടില്‍ എത്തിയത്. []

ഒരു മണിക്കൂറിനുള്ളില്‍ ഇറ്റലിയുടെ വെറ്ററന്‍ താരം ഫ്രാന്‍സെസ്‌ക ഷിയാവോണിനെ 6-0, 6-1ന് തോല്‍പ്പിച്ചായിരുന്നു സെറീനയുടെ കുതിപ്പ്.

13 വിന്നറുകള്‍ പായിച്ച സെറീന ആറു തവണ മുന്‍ ഫ്രഞ്ച് ഓപ്പണ്‍ ചാംപ്യനെ ബ്രേക്ക് ചെയ്തു. സഹോദരി വീനസിനും വിജയത്തുടക്കമായിരുന്നു. 2000, 2001 വര്‍ഷങ്ങളില്‍ കിരീടം നേടിയ വീനസ് 6-1, 6-2ന് ബെല്‍ജിയത്തിന്റെ 12-ാം സീഡ് കിര്‍സ്റ്റന്‍ ഫിപ്‌കെന്‍സിനെ തോല്‍പിച്ചു.

പുരുഷവിഭാഗം നാലാം സീഡ് ഡേവിഡ് ഫെറര്‍ ഓസ്‌ട്രേലിയയുടെ ടീനേജ് താരം നിക്ക് കൈര്‍ജിയോസിനെതിരെ 7-5, 6-3, 6-2ന് വിജയം കണ്ടു. 2007, 2012 വര്‍ഷങ്ങളില്‍ സെമിഫൈനലിസ്റ്റായിരുന്നു ഫെറര്‍.

വനിതാ വിഭാഗത്തില്‍ ചൈനയുടെ അഞ്ചാം സീഡ് ലി നായും രണ്ടാം റൗണ്ടിലെത്തി. ബെലാറൂസിന്റെ ഓള്‍ഗ ഗോവോര്‍ട്ട്‌സോവയെ 6-2, 6-2ന് തോല്‍പിച്ചു.