ബംഗാള്‍ തെരഞ്ഞെടുപ്പില്‍ ബി.ജെ.പി ആക്രമണം ഉണ്ടാക്കും; കൂടുതല്‍ കേന്ദ്ര സായുധ സേനയെ വിന്യസിക്കണമെന്ന് തെരഞ്ഞെടുപ്പ് കമ്മീഷനോട് തൃണമൂല്‍
ഡൂള്‍ന്യൂസ് ഡെസ്‌ക്
Friday, 26th March 2021, 7:46 pm
കൊല്‍ക്കത്ത: നിയമസഭാ തെരഞ്ഞെടുപ്പിന് മുന്നോടിയായി സംസ്ഥാനത്ത് കൂടുതല്‍ കേന്ദ്ര സായുധ സേനയെ വിന്യസിക്കണമെന്ന് തൃണമൂല്‍ കോണ്‍ഗ്രസ്. ഈ ആവശ്യം അറിയിച്ച് പശ്ചിമ ബംഗാളിലെ ചീഫ് ഇലക്ടറല്‍ ഓഫീസര്‍ക്ക് തൃണമൂല്‍ കത്ത് അയച്ചു.
ബി.ജെ.പി ആസൂത്രണം ചെയ്ത അക്രമം ചെറുക്കുന്നതിന് നിലവിലെ കേന്ദ്രസൈന്യം അപര്യാപ്തമാണെന്നും തൃണമൂല്‍ ആരോപിച്ചു.
ബി.ജെ.പിയുടെ നന്ദിഗ്രാമിലെ സ്ഥാനാര്‍ത്ഥിയായ സുവേന്തു അധികാരിക്കെതിരെയും കത്തില്‍ ആരോപണമുണ്ട്. സുവേന്തു അധികാരി നന്ദിഗ്രാമിന് പുറത്തുനിന്നുള്ള ക്രിമിനലുകളെ ആയുധവുമായി മണ്ഡലത്തില്‍ എത്തിച്ചിട്ടുണ്ടെന്നും തൃണമൂല്‍ കത്തില്‍ ആരോപിച്ചു.
