ഇന്ത്യ-പാകിസ്ഥാന്‍ കളിക്കണ്ട! മഴ കളിച്ചോളും; വീണ്ടും വില്ലനാകുമോ?
സ്പോര്‍ട്സ് ഡെസ്‌ക്
Thursday, 7th September 2023, 8:13 pm
ഏഷ്യാ കപ്പ് സൂപ്പര്‍ ഫോര്‍ റൗണ്ടില്‍ ഇന്ത്യാ-പാകിസ്ഥാന്‍ മത്സരം 10ാം തിയതിയാണ് നടക്കുക. ഗ്രൂപ്പ് മത്സരത്തില്‍ ഇരവരും ഏറ്റുമുട്ടിയപ്പോള്‍ മഴ കാരണം മത്സരം ഉപേക്ഷിക്കുകയായിരുന്നു.
ഇരു ടീമിനും ഓരോ പോയിന്റാണ് ഈ മത്സരത്തില്‍ നിന്നും നേടാനായത്. സൂപ്പര്‍ ഫോറില്‍ ഇരുവരും ഏറ്റുമുട്ടുമ്പോള്‍ ആരാധകര്‍ക്ക് ഒരുപാട് പ്രതീക്ഷകളുണ്ട്. എന്നാല്‍ സൂപ്പര്‍ ഫോറിലെ മത്സരവും മഴ കാരണം മുടങ്ങുമെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്.
കൊളംബോയിലാണ് ഇന്ത്യാ-പാക് മത്സരം നടക്കേണ്ടത്. കാലാവസ്ഥ റിപ്പോര്‍ട്ട് പ്രകാരം ഞായറാഴ്ച ഇവിടെ കനത്ത മഴ പെയ്യാനുള്ള സാധ്യതയുണ്ട്. അങ്ങനെ വന്നാല്‍ വീണ്ടും മത്സരം പാതിവഴിയില്‍ മുടങ്ങിയേക്കും. വൈകുന്നേരങ്ങളില്‍ 100 ശതമാവും മഴ സാധ്യതയാണ് പ്രവചിക്കപ്പെടുന്നത്. അതുകൊണ്ട് മത്സരം നടക്കാനുള്ള സാധ്യത വളരെ കുറവാണ്.
