കേന്ദ്ര മന്ത്രിയെ കാണാനില്ലെന്ന് ബാലസോറില്‍ നിറയെ പോസ്റ്ററുകള്‍, എം.പിയെവിടെയെന്ന് ജനങ്ങള്‍ ചോദിക്കുന്നുവെന്ന് സാമൂഹ്യ പ്രവര്‍ത്തകന്‍
ഡൂള്‍ന്യൂസ് ഡെസ്‌ക്
Monday, 1st June 2020, 12:36 pm
ബാലസോര്‍: കൊവിഡ് വ്യാപനത്തിന്റെ കാലത്ത് തങ്ങളുടെ എം.പിയെ കാണാനില്ലെന്ന് പറഞ്ഞ് ഒഡീഷയിലെ ബാലസോറില്‍ പോസ്റ്ററുകള്‍. കേന്ദ്ര മൃഗസംരക്ഷണ വകുപ്പ് മന്ത്രിയും ബാലസോര്‍ എം.പിയുമായ പ്രതാപ് ചന്ദ്ര സാരംഗിയെ കാണാനില്ലെന്നാണ് പോസ്റ്റര്‍.
ജില്ലയുടെ വിവിധ ഭാഗങ്ങളില്‍ പോസ്റ്ററുകള്‍ പതിച്ചിട്ടുണ്ട്. ജനത കര്‍ഫ്യൂവിനിടെ മാര്‍ച്ച് 22നാണ് അദ്ദേഹത്തെ അവസാനമായി കണ്ടതെന്നാണ് പ്രതിപക്ഷമടക്കം ആരോപിക്കുന്നത്. ഒറീസയില്‍ ആംഫന്‍ കാറ്റ് വീശിയതിനെ തുടര്‍ന്ന് നിറയെ നാശനഷ്ടങ്ങളുണ്ടായപ്പോഴും സാരംഗിയെ കണ്ടില്ലെന്ന് ആരോപണമുണ്ട്.
