'അലോഡോക്സോഫോബിയ'; യോഗി സര്‍ക്കാരിനെ ട്രോളാന്‍ തരൂരിന്റെ ' വേര്‍ഡ് ഓഫ് ദ ഡേ'
ഡൂള്‍ന്യൂസ് ഡെസ്‌ക്
Monday, 13th December 2021, 10:36 am
ന്യൂദല്‍ഹി: കോണ്‍ഗ്രസ് എം.പി ശശി തരൂര്‍ ഉപയോഗിക്കുന്ന കടുകട്ടി വാക്കുകള്‍ പ്രശസ്തമാണ്. ഇപ്പോള്‍ യു.പി സര്‍ക്കാരിനെ പരിഹസിക്കാന്‍ ഒരു വാക്കുമായി എത്തിയിരിക്കുകയാണ് അദ്ദേഹം.
വേര്‍ഡ് ഓഫ് ദ ഡേ എന്ന് പറഞ്ഞ് കഴിഞ്ഞ ദിവസം അദ്ദേഹം ട്വീറ്റ് ചെയ്ത അലോഡോക്സോഫോബിയ എന്ന വാക്കാണ് യു.പി സര്‍ക്കാരിനെ പരിഹസിക്കാന്‍ അദ്ദേഹം ഉപയോഗിച്ചത്.
‘ ഇന്നത്തെ വാക്ക്: അലോഡോക്സോഫോബിയ. അര്‍ത്ഥം: അഭിപ്രായങ്ങളോടുള്ള യുക്തിരഹിതമായ ഭയം. ഉപയോഗം: ‘യു.പിയിലെ ബിജെപി സര്‍ക്കാര്‍ ജനങ്ങളുടെമേല്‍ രാജ്യദ്രോഹവും യു.എ.പി.എ കേസുകളും ചുമത്തുന്നു, കാരണം അതിന്റെ നേതൃത്വം അലോഡോക്സോഫോബിയ അനുഭവിക്കുന്നു,’ അദ്ദേഹം ട്വീറ്റ് ചെയ്തു.
