കങ്കണയ്‌ക്കെതിരെ ട്രോളിന് ലൈക്കടിച്ച് തപ്സി; തര്‍ക്കം വീണ്ടും പരസ്യമാവുന്നു
എന്റര്‍ടെയിന്‍മെന്റ് ഡെസ്‌ക്
Sunday, 14th November 2021, 12:55 pm
കങ്കണയെ ട്രോളികൊണ്ട് പലരും പോസ്റ്റുകള്‍ ഇടാറും ഷെയര്‍ ചെയ്യാറുമുണ്ട്. അത്തരത്തിലൊരു ട്രോള്‍ വീഡിയോ കഴിഞ്ഞ ദിവസം കൊമേഡിയന്‍ സലോണി ഗൗര്‍ പുറത്തിറക്കിയിരുന്നു. സമൂഹ മാധ്യമങ്ങളില്‍ പ്രചരിക്കുന്ന ഈ വീഡിയോക്ക് ലൈക്കടിച്ചിരിക്കുകയാണ് നടി തപ്സി പന്നു.
ഇന്ത്യക്ക് സ്വാതന്ത്ര്യം ലഭിച്ചത് 2014 ലാണെന്ന കങ്കണയുടെ പരാമര്‍ശത്തെ ട്രോളികൊണ്ടായിരുന്നു വീഡിയോ. കങ്കണയുടെ പരാമര്‍ശത്തെ എതിര്‍ത്തുകൊണ്ട് നിരവധിപേര്‍ രംഗത്തു വന്നിരുന്നു.
എന്നാല്‍, താന്‍ നടത്തിയ പരാമര്‍ശത്തെ ന്യായീകരിച്ച് കങ്കണ കഴിഞ്ഞ ദിവസം രംഗത്ത് വന്നിരിന്നു. ഇന്ത്യയുടെ സ്വാതന്ത്ര്യസമരത്തെക്കുറിച്ചുള്ള തന്റെ പരാമര്‍ശം തെറ്റാണെന്ന് തെളിയിച്ചാല്‍ പത്മ പുരസ്‌കാരങ്ങള്‍ തിരിച്ചുനല്‍കുമെന്നായിരുന്നു കങ്കണയുടെ പ്രതികരണം.
