യൂറോ യോഗ്യത മത്സരത്തിൽ സ്പെയിൻ നോർവേയെ ഏകപക്ഷീയമായ ഒരു ഗോളിന് തോൽപ്പിച്ചു. ഈ തോൽവിയോടെ എർലിങ് ഹാലാണ്ടും സംഘവും 2024ൽ നടക്കുന്ന യൂറോകപ്പിൽ ഉണ്ടാവില്ല എന്ന് ഉറപ്പായിക്കഴിഞ്ഞു.
യൂറോ യോഗ്യത നേടാൻ വിജയം അനിവാര്യമായ മത്സരത്തിൽ സൂപ്പർ താരം ഹാലണ്ടിന് പ്രതീക്ഷക്കൊത്ത പ്രകടനം പുറത്തെടുക്കാൻ സാധിച്ചില്ല.
🏁 ¡¡𝗙𝗜𝗡𝗔𝗔𝗔𝗔𝗔𝗔𝗟 𝗗𝗘𝗟 𝗣𝗔𝗥𝗧𝗜𝗗𝗢 𝗘𝗡 𝗡𝗢𝗥𝗨𝗘𝗚𝗔𝗔𝗔𝗔!!
La @SEFutbol se impone el conjunto nórdico gracias a un gol de Gavi en la segunda parte en un partido muy completo de nuestros chicos.
🇳🇴 🆚 🇪🇸 | 0-1 | 98′#VamosEspaña | #EURO2024 pic.twitter.com/lMKeaMS8CO
— Selección Española Masculina de Fútbol (@SEFutbol) October 15, 2023
90 മിനിട്ടും കളിച്ച താരത്തിന് ഒരു ഷോട്ട് മാത്രമാണ് സ്പാനിഷ് ഗോൾ മുഖത്തേക്ക് അടിക്കാൻ സാധിച്ചത്. 18 ടച്ചുകളും ഹാലാൻണ്ട് നടത്തി. യോഗ്യത മത്സരങ്ങളിൽ അഞ്ച് കളികളിൽ നിന്ന് ആറ് ഗോളുകൾ നേടി മിന്നും ഫോമിലായിരുന്നു താരം. ഈ പ്രകടനം സ്പെയിനിനെതിരെ കാഴ്ചവെക്കാൻ സാധിക്കാതെ പോയതാണ് ടീമിന് തിരിച്ചടിയായത്.
നോർവേയുടെ ഹോം ഗ്രൗണ്ടായ ഉള്ളീവൽ സ്റ്റേഡിയത്തിൽ നടന്ന മത്സരത്തിൽ 4-3-3 എന്ന ഫോർമേഷനിലാണ് സ്പാനിഷ് ടീം കളത്തിലിറങ്ങിയത്. മറുഭാഗത്ത് നോർവേ 4-2-3-1 എന്ന ശൈലിയുമാണ് പിന്തുടർന്നത്.
മത്സരത്തിന്റെ ആദ്യ പകുതിയിൽ മികച്ച മുന്നേറ്റങ്ങൾ ഉണ്ടായെങ്കിലും ഇരുടീമിനും സ്കോർ ബോർഡ് ചലിപ്പിക്കാൻ സാധിച്ചില്ല.
👨🏻💻 CRÓNICA | La joven España va directa a por el Viejo Continente (0-1).
Un gol de Gavi clasifica brillantemente a la Selección para la fase final del próximo año en Alemania.
ℹ️ https://t.co/DBuT0xueia #VamosEspaña | #EURO2024 pic.twitter.com/i6p9SxjaKQ
— Selección Española Masculina de Fútbol (@SEFutbol) October 15, 2023
രണ്ടാം പകുതിയിൽ 49ാം മിനിട്ടിൽ ബാഴ്സലോണ യുവതാരം ഗാവിയാണ് സ്പെയിനിന്റെ വിജയഗോൾ നേടിയത്.
തുടർന്ന് സ്പാനിഷ് പ്രതിരോധം ശക്തമായി നിന്നപ്പോൾ ഗോൾ തിരിച്ചടിക്കാൻ നോർവേക്ക് സാധിച്ചില്ല. ഒടുവിൽ ഫൈനൽ വിസിൽ മുഴങ്ങിയപ്പോൾ 1-0ത്തിന് സ്പെയിൻ വിജയിക്കുകയായിരുന്നു.
ജയത്തോടെ സ്പെയിൻ 2024ൽ നടക്കുന്ന യൂറോ ചാമ്പ്യൻഷിപ്പിന് യോഗ്യത നേടി. പോയിന്റ് ടേബിളിൽ ആറ് കളികളിൽ 15 പോയിന്റുമായി സ്കോട്ട്ലാൻഡിനൊപ്പമെത്താനും സ്പെയിനിന് സാധിച്ചു.
📊 CLASIFICACIÓN | La Selección sella el billete para la Eurocopa y asalta el liderato de su grupo.
🔢 Todos los números: https://t.co/kZhMCJScPH#VamosEspaña | #EURO2024 pic.twitter.com/ZwrdyuAtpG
— Selección Española Masculina de Fútbol (@SEFutbol) October 15, 2023
അതേസമയം തുടർച്ചയായ ഏഴാം വർഷമാണ് നോർവേക്ക് യൂറോ കളിക്കാനുള്ള അവസരം നഷ്ടമാവുന്നത്. ഇതോടെ പോയിന്റ് പട്ടികയിൽ മുന്നിലുള്ള സ്കോട്ട്ലാൻഡ് യോഗ്യത ഉറപ്പാക്കുകയും ചെയ്തു.
Content Highlight: Spain beat Norway and they disqualified in Euro qualifiers 2024.