കോഴിക്കോട് കെ.എസ്.ആര്‍.ടി.സി ടെര്‍മിനലിലെ കടകള്‍ ഒഴിപ്പിക്കുന്നു; പൊലീസിന്റെ ഗുണ്ടായിസമെന്ന് കച്ചവടക്കാര്‍
ഡൂള്‍ന്യൂസ് ഡെസ്‌ക്
Sunday, 10th April 2022, 12:36 pm
കോഴിക്കോട്: അറ്റകുറ്റ പണികളുടെ ഭാഗമായി കോഴിക്കോട് കെ.എസ്.ആര്‍.ടി.സി ടെര്‍മിനലിലെ കടകള്‍ ഒഴിപ്പിക്കുന്നു. അറ്റകുറ്റ പണികള്‍ക്ക് ശേഷം കടകള്‍ തുറക്കാമെന്ന് കെ.ടി.ഡി.എഫ്.സി കച്ചവടക്കാരെ അറിയിച്ചു.
എന്നാല്‍ ഇതിനെതിരെ പ്രതിഷേധവുമായി കച്ചവടക്കാര്‍ രംഗത്തെത്തി.
ഉത്തരവ് കിട്ടാത്തതിനാല്‍ ആശങ്കയുണ്ടെന്ന് കച്ചവടക്കാര്‍ പറഞ്ഞു. പൊലീസിന്റെ ഗുണ്ടായിസമാണ് ഇപ്പോഴത്തേതുമെന്നും ഒഴിപ്പിക്കല്‍ നിര്‍ത്തിവെക്കണമെന്നും ഇവര്‍ ആവശ്യപ്പെട്ടു.
ശക്തമായ പൊലീസ് സന്നാഹത്തോടെയാണ് കടകള്‍ ഒഴിപ്പിക്കാന്‍ ഉദ്യോഗസ്ഥര്‍ എത്തിയത്. ഇതിനെത്തുടര്‍ന്നാണ് കച്ചവടക്കാര്‍ പ്രതിഷേധവുമായി രംഗത്തെത്തിയത്.
