ഇതാണ് അച്ഛനോട് ഏറ്റവും ഇഷ്ടം തോന്നിയ, എന്റെ മകനോട് അസൂയ തോന്നിയ നിമിഷം; ഫാദേഴ്‌സ് ഡേയില്‍ തിലകനെ ഓര്‍മ്മിച്ച് ഷമ്മി തിലകന്‍
എന്റര്‍ടെയിന്‍മെന്റ് ഡെസ്‌ക്
Sunday, 20th June 2021, 11:44 am
ഫാദേഴ്‌സ് ഡേയില്‍ നടന്‍ തിലകനെ അനുസ്മരിച്ച് മകന്‍ ഷമ്മി തിലകന്‍. തന്റെ മകനോടപ്പമുള്ള പഴയ ചിത്രം പങ്കുവെച്ചുകൊണ്ടാണ് ഷമ്മി തിലകന്റെ ഫേസ്ബുക്ക് കുറിപ്പ്.
ഈ പിതൃദിനത്തില്‍ എനിക്ക് അച്ഛനോട് ജീവിതത്തില്‍ ഏറ്റവും ഇഷ്ടം തോന്നിയ അസുലഭ മുഹൂര്‍ത്തമാണ് പങ്കുവെയ്ക്കാനുള്ളത് എന്നു പറഞ്ഞുകൊണ്ടാണ് ഷമ്മി തിലകന്റെ മകനെ തിലകന്‍ എടുത്തുനില്‍ക്കുന്ന ചിത്രം പോസ്റ്റ് ചെയ്തിരിക്കുന്നത്.
സൂര്യനെ പോല്‍ തഴുകി ഉറക്കമുണര്‍ത്തിയിരുന്നൊന്നുമില്ല,
കിലുകില്‍ പമ്പരം പോലെ തിരിഞ്ഞുകൊണ്ടിരുന്ന കുഞ്ഞുമനസ്സറിയാതെ മയങ്ങൂ.. വാവാവോ എന്ന് ചാഞ്ചക്കം പാടിത്തന്നിട്ടുമില്ല,
എന്നിട്ടും അച്ഛനെയായിരുന്നെനിക്കിഷ്ടമെന്നും അച്ഛന്‍ തനിക്കെന്നും സൂപ്പര്‍ഹീറോ തന്നെയായിരുന്നെന്നും ഷമ്മി തിലകന്‍ ഫേസ്ബുക്കിലെഴുതി.
