മുഹമ്മദ് ബിന്‍ സല്‍മാന്റെ അടുത്ത അനുയായി ബദര്‍ അല്‍ അസാകര്‍ അറസ്റ്റിലായതായി റിപ്പോര്‍ട്ട്
ഡൂള്‍ന്യൂസ് ഡെസ്‌ക്
Wednesday, 10th June 2020, 7:45 am
റിയാദ്: സൗദി കിരീടവകാശി മുഹമ്മദ് ബിന്‍ സല്‍മാന്റെ അടുത്ത അനുയായി ബദര്‍ അല്‍ അസാകര്‍ അറസ്റ്റിലായതായി സൂചന. മിഡില്‍ ഈസ്റ്റ് ഐയാണ് ഇത് സംബന്ധിച്ച വാര്‍ത്ത റിപ്പോര്‍ട്ട് ചെയ്യുന്നത്.
ദിവസങ്ങളായി അസാക്കറിന്റെ സോഷ്യല്‍മീഡിയ അക്കൗണ്ടുകള്‍ നിശബ്ദമാണെന്നതാണ് അസാകര്‍ അറസ്റ്റിലാണെന്ന സംശയം ജനിപ്പിക്കുന്നത്.
أين الاستاذ بدر العساكر ؟
— عمر بن عبدالعزيز Omar Abdulaziz (@oamaz7) June 8, 2020
അതേസമയം അസാക്കറിനെ തടവിലാക്കിയിരിക്കുന്നതിന്റെ കാരണം വ്യക്തമല്ല. വിഷയത്തില്‍ സൗദി ഭരണകൂടവും ഇതുവരെ പ്രതികരിച്ചിട്ടില്ല.
2017 മുതല്‍ മുഹമ്മദ് ബിന്‍ സല്‍മാന്റെ ഓഫീസിലെ തലവനും അദ്ദേഹത്തിന്റെ ചാരിറ്റബിള്‍ ഫൗണ്ടേഷന്റെ ചെയര്‍മാനുമായ അസാകര്‍ സൗദി നേതാവിന്റെ ഏറ്റവും അടുത്ത സഹായിയെന്നാണ് അറിയപ്പെടുന്നത്.
