ന്യൂസിലാന്‍ഡിന്റെ ഇന്ത്യന്‍ പര്യടനത്തിലെ ആദ്യ മത്സരം ഹൈദരാബാദ് രാജീവ് ഗാന്ധി അന്താരാഷ്ട്ര സ്റ്റേഡിയത്തില്‍ വെച്ച് ആരംഭിച്ചിരിക്കുകയാണ്. മൂന്ന് ഏകദിനങ്ങളടങ്ങിയ പരമ്പരയിലെ ആദ്യ മത്സരമാണ് ഹൈദരാബാദില്‍ നടക്കുന്നത്.
ടോസ് നേടിയ ഇന്ത്യ ബാറ്റിങ് തെരഞ്ഞെടുക്കുകയായിരുന്നു. ഓപ്പണര്‍മാരായ രോഹിത് ശര്‍മയും ശുഭ്മന്‍ ഗില്ലും ചേര്‍ന്ന് മികച്ച തുടക്കമാണ് ഇന്ത്യക്ക് നല്‍കിയത്. ആദ്യ വിക്കറ്റില്‍ 60 റണ്‍സിന്റെ കൂട്ടുകെട്ടാണ് ഇരുവരും ചേര്‍ന്ന് പടുത്തുയര്‍ത്തിയത്.
38 പന്തില്‍ നിന്നും 34 റണ്‍സുമായി ആദ്യ വിക്കറ്റായി രോഹിത് ശര്‍മ പുറത്തായി. വണ്‍ ഡൗണ്‍ ബാറ്ററായെത്തിയത് വിരാട് കോഹ്‌ലിയായിരുന്നു.
ഏറെ പ്രതീക്ഷയോടെ കളത്തിലെത്തിയ വിരാടിന് ശ്രീലങ്കക്കെതിരായ മത്സരത്തിലെ മികവ് ആവര്‍ത്തിക്കാന്‍ സാധിച്ചിരുന്നില്ല. പത്ത് പന്തില്‍ നിന്നും എട്ട് റണ്‍സ് മാത്രം നേടിയാണ് വിരാട് പുറത്തായത്. പതിനാറാം ഓവറിലെ രണ്ടാം പന്തില്‍ ഇടം കയ്യന്‍ സ്പിന്നര്‍ മൈക്കല്‍ സാന്റ്‌നര്‍ വിരാടിനെ ക്ലീന്‍ ബൗള്‍ഡാക്കുകയായിരുന്നു.
അവന് കരിയറിലുടനീളം സ്പിന്നര്‍മാര്‍ക്കെതിരെ കളിച്ചതില്‍ നിന്നും മാറ്റം വന്നിട്ടുണ്ടെന്നാണ് എനിക്ക് തോന്നുന്നത്. അതുകൊണ്ടു തന്നെ സാന്റ്നറിന്റെയും സോധിയുടെയും കാര്യത്തില്‍ എനിക്ക് അത്ര പ്രതീക്ഷകളില്ല,’ ബാംഗര്‍ പറഞ്ഞു.
