ഐ.പി.എല്‍ 2023ലെ ഏഴാം മത്സരത്തില്‍ ആരാധകരുടെ മനസില്‍ കയറിക്കൂടിയത് സായ് സുദര്‍ശന്‍ എന്ന തമിഴ്‌നാട്ടുകാരനാണ്. ചെന്നൈ സൂപ്പര്‍ കിങ്‌സിനെതിരായ ആദ്യ മത്സരത്തില്‍ ഇംപാക്ട് പ്ലെയറായി ക്യാമ്പെയ്ന്‍ ആരംഭിച്ച സുദര്‍ശന്‍ രണ്ടാം മത്സരത്തില്‍ പ്ലെയിങ് ഇലവനിലും സ്ഥാനം നേടിയിരുന്നു.
ടൂര്‍ണമെന്റിലെ മറ്റ് ഇംപാക്ട് പ്ലെയേഴ്‌സിനെ പോലെ തോറ്റുപോയവനായിരുന്നില്ല സായ് സുദര്‍ശന്‍. സീസണില്‍ അവസരം കിട്ടിയ ആദ്യ മത്സരത്തില്‍ തന്നെ മോശമല്ലാത്ത പ്രകടനമായിരുന്നു താരം കാഴ്ചവെച്ചത്. 17 പന്തില്‍ നിന്നും മൂന്ന് ബൗണ്ടറിയടക്കം 22 റണ്‍സാണ് താരം സ്വന്തമാക്കിയത്.
ഈ പ്രകടനത്തിന് പിന്നാലെയാണ് താരം രണ്ടാം മത്സരത്തിലെ പ്ലെയിങ് ഇലവനിലെത്തിയത്. കോച്ച് ആശിഷ് നെഹ്‌റ തന്നിലര്‍പ്പിച്ച വിശ്വാസം തെറ്റിക്കാതെയായിരുന്നു സുദര്‍ശന്‍ ബാറ്റ് വീശിയത്. 48 പന്തില്‍ നിന്നും നാല് ബൗണ്ടറിയും ഒരു സിക്‌സറും ഉള്‍പ്പെടെ 129.17 എന്ന സ്‌ട്രൈക്ക് റേറ്റില്‍ പുറത്താകാതെ 62 റണ്‍സാണ് താരം സ്വന്തമാക്കിയത്.
A confident & match winning knock of 62*(48) by Sai Sudharsan makes the young Indian batter our 🔝 performer from the second innings of the #DCvGT clash in #TATAIPL 💪
A look at his batting summary 🔽 pic.twitter.com/c9BHrcXAN1
— IndianPremierLeague (@IPL) April 4, 2023
An unbeaten promising half-century to guide his side to a six-wicket victory 🙌🏻#TATAIPL | #DCvGT
Relive Sai Sudharsan’s chase special in Delhi 🎥🔽https://t.co/kn0j35KWg1
— IndianPremierLeague (@IPL) April 4, 2023
വണ്‍ ഡൗണായിറങ്ങിയ താരം കില്ലര്‍ മില്ലറിനൊപ്പം ചേര്‍ന്ന് ഗുജറാത്തിനെ വിജയത്തിലേക്ക് നയിക്കുകയായിരുന്നു. വൃദ്ധിമാന്‍ സാഹയെയും ശുഭ്മന്‍ ഗില്ലിനെയും ക്യാപ്റ്റന്‍ ഹര്‍ദിക് പാണ്ഡ്യയെയും പെട്ടെന്ന് നഷ്ടമായ ടൈറ്റന്‍സിനെ താങ്ങി നിര്‍ത്തിയത് സുദര്‍ശന്റെ ഇന്നിങ്‌സാണ്.
