ഡിസംബര്‍ 26ന് പാകിസ്ഥാനെതിരെ നടക്കുന്ന ബോക്‌സിങ് ഡേ ടെസ്റ്റിനുള്ള തയ്യാറെടുപ്പിലാണ് ഓസ്‌ട്രേലിയ. മൂന്ന് മത്സരങ്ങളടങ്ങിയ പരമ്പരയിലെ ആദ്യ രണ്ട് മത്സരങ്ങള്‍ അവസാനിച്ചപ്പോള്‍ 1-0 എന്ന ലീഡില്‍ ആതിഥേയര്‍ മുമ്പിലാണ്.
മെല്‍ബണില്‍ നടക്കുന്ന മത്സരത്തിന്റെ ഫലമെന്തെന്ന് അറിയാനാണ് ആരാധകര്‍ ഉറ്റുനോക്കുന്നത്. അവസാന ടെസ്റ്റില്‍ പാകിസ്ഥാന്‍ നിര്‍ണായക മാറ്റങ്ങള്‍ വരുത്തിയാണ് കളത്തിലിറങ്ങുന്നത് എന്നതാണ് ആരാധകരെ ആവേശത്തിലാഴ്ത്തുന്നത്.
ബോക്‌സിങ് ഡേ ടെസ്റ്റുകള്‍ എന്നും ഓസ്‌ട്രേലിയന്‍ ആരാധകര്‍ക്ക് ഏറെ പ്രിയപ്പെട്ടതാണ്. ഒരു കലണ്ടര്‍ ഇയറില്‍ തങ്ങളുടെ പ്രിയ ടീമിന്റെ അവസാന മത്സരം എന്ന നിലയിലാണ് ആരാധകര്‍ ഇതിനെ നോക്കിക്കാണുന്നത്.
ആരാധകരുടെ ഈ ആവേശം അതുപോലെ മടക്കി നല്‍കാനും ഓസ്‌ട്രേലിയക്ക് സാധിച്ചിട്ടുണ്ട്. അവസാന പത്ത് ബോക്‌സിങ് ഡേ ടെസ്റ്റുകളില്‍ ആറ് മാച്ചുകളും ഓസ്‌ട്രേലിയ വിജയിച്ചിരുന്നു. രണ്ട് മത്സരങ്ങള്‍ സമനിലയില്‍ അവസാനിച്ചപ്പോള്‍ രണ്ട് മത്സരങ്ങളില്‍ പരാജപ്പെടുകയും ചെയ്തു.
