അയാള്‍ ഉള്ളതുകൊണ്ട് മാത്രമാണ് നെയ്മര്‍ ബാഴ്‌സയില്‍ എത്താതിരുന്നത്; റിപ്പോര്‍ട്ട്
സ്പോര്‍ട്സ് ഡെസ്‌ക്
Thursday, 17th August 2023, 11:55 pm
ബ്രസീലിയന്‍ സൂപ്പര്‍താരം നെയ്മര്‍ ജൂനിയറിനെ പി.എസ്.ജിയില്‍ നിന്നും ബാഴ്‌സയിലേക്കെത്തിക്കാന്‍ ഒരുപാട് ശ്രമങ്ങളുണ്ടായിരുന്നു. എന്നാല്‍ താരം അവസാനം സൗദി ക്ലബ്ബായ അല്‍ ഹിലാലിലേക്ക് പോവുകയായിരുന്നു.
300 മില്യണാണ് നെയ്മറിന് മുന്നില്‍ അല്‍ ഹിലാല്‍ രണ്ട് വര്‍ഷത്തെ കരാറിനായി നീട്ടിയത്. 30 തുടങ്ങിയപ്പോള്‍ തന്നെ താരം യൂറോപ്പ് വിട്ടതിന് ഒരുപാട് ആരാധകര്‍ അദ്ദേഹത്തെ വിമര്‍ശിച്ച് രംഗത്തെത്തിയിരുന്നു.
താരത്തെ ടീമിലെത്തിക്കാന്‍ ബാഴ്‌സ ശ്രമിക്കുന്നതായി ഒരുപാട് റിപ്പോര്‍ട്ടുകളുണ്ടായിരുന്നു. എന്നാല്‍ അദ്ദേഹം ഒരു കാരണം കൊണ്ട് മാത്രമാണ് ബാഴ്‌സയില്‍ വരാത്തതെന്നാണ് പുതിയ റിപ്പോര്‍ട്ടുകളില്‍ സൂചിപ്പിക്കുന്നത്. ബാഴ്‌സ കോച്ച് സാവി കാരണമാണ് ബ്രസീലിയന്‍ ബാഴ്‌സയിലെത്താതിരുന്നത് എന്നാണ് ഈ റിപ്പോര്‍ട്ടുകള്‍ പറയുന്നത്.
