റായ്ബറേലിയില്‍ കോണ്‍ഗ്രസിന് കാലിടറുമോ? കോണ്‍ഗ്രസ് വിമത എം.എല്‍.എ ബി.ജെ.പിയിലേക്ക്
ഡൂള്‍ന്യൂസ് ഡെസ്‌ക്
Wednesday, 24th November 2021, 5:05 pm
ലഖ്‌നൗ: ഉത്തര്‍പ്രദേശിലെ കോണ്‍ഗ്രസ് വിമത എം.എല്‍.എ അദിതി സിംഗ് ബി.ജെ.പിയിലേക്ക്. റായ്ബറേലിയില്‍ നിന്നുള്ള എം.എല്‍.എയാണ് അദിതി.
കഴിഞ്ഞ കുറെ നാളുകളായി കോണ്‍ഗ്രസിന്റെ നിരന്തര വിമര്‍ശകയാണ് അദിതി. നിരവധി തവണ നിയമസഭയില്‍ ഉത്തര്‍പ്രദേശ് സര്‍ക്കാരിന് അനുകൂല നിലപാടും അദിതി സ്വീകരിച്ചിരുന്നു.
ഇക്കഴിഞ്ഞ മേയ് മാസത്തില്‍ പാര്‍ട്ടി വിരുദ്ധ പ്രവര്‍ത്തനത്തിന്റെ പേരില്‍ മഹിളാ കോണ്‍ഗ്രസ് ഭാരവാഹിത്വത്തില്‍ നിന്ന് അദിതിയെ മാറ്റിയിരുന്നു.
എം.എല്‍.എ സ്ഥാനത്ത് അയോഗ്യയാക്കണമെന്ന് കോണ്‍ഗ്രസ് സ്പീക്കറോട് ആവശ്യപ്പെട്ടിരുന്നെങ്കിലും നടപടിയെടുത്തിരുന്നില്ല.
