മലയാളത്തിന്റെ പ്രിയ നടന്‍ റഹ്മാന് ആദ്യമായ അഭിനയിക്കുന്ന ഹിന്ദി ചിത്രമായ ഗണ്‍പതിന്റെ ഷൂട്ടിങ്ങിനിടെ താരത്തിന് പരിക്ക്. കഴിഞ്ഞ ഒക്ടോബറില്‍ ലണ്ടനില്‍ ചിത്രീകരണം ആരംഭിച്ച ഗണ്‍പതിന്റെ ഷൂട്ടിംഗ് ഇപ്പോള്‍ മുംബൈയില്‍ പുരോഗമിക്കുകയാണ്.
ചിത്രീകരണത്തിനിടെ ഒരു ഷോട്ടില്‍ കരാട്ടെ കിക്ക് ചെയ്യുന്നതിനിടെയായിരുന്നു റഹ്മാന്റെ തുടയ്ക്ക് പരിക്കേറ്റെന്നാണ് കാന്‍ മീഡിയ ചാനല്‍ റിപ്പോര്‍ട്ട് ചെയ്യുന്നത്. പരിക്ക് പറ്റിയതിനെ തുടര്‍ന്ന് റഹ്മാന് രണ്ട് ദിവസത്തെ വിശ്രമം അനുവദിച്ചിട്ടുണ്ട്. ഷൂട്ടിംഗ് ഇതേത്തുടര്‍ന്ന്‌ നിര്‍ത്തിവെച്ചിട്ടില്ലെന്നും റിപ്പോര്‍ട്ടില്‍ പറയുന്നു.
ചിത്രത്തിന്റെ ആക്ഷന്‍ രംഗങ്ങളാണ് മുംബൈയില്‍ ചിത്രീകരിച്ചുകൊണ്ടിരിക്കുന്നത്. സ്റ്റുഡിയോ ഫ്‌ളോറിനുള്ളില്‍ തീര്‍ത്ത ബോംക്സിംഗ് റിംഗിനുള്ളിലാണ് ചിത്രീകരണം. റഹ്മാന്റെ ഇന്‍ട്രൊഡക്ഷന്‍ ഫൈറ്റ് കൂടിയാണ്. പ്രധാന അഭിനേതാക്കള്‍ക്കൊപ്പം മുന്നൂറിലേറെ ജൂനിയര്‍ ആര്‍ട്ടിസ്റ്റുകളും പങ്കെടുക്കുന്നുണ്ട്.
