ലോകകപ്പ് കൊണ്ട് തീര്‍ന്നില്ല; ഒളിമ്പിക്‌സ് സംഘാടനത്തിന് താത്പര്യം പ്രകടിപ്പിച്ച് ഖത്തര്‍
സ്പോര്‍ട്സ് ഡെസ്‌ക്
Friday, 23rd December 2022, 4:27 pm
2036ലെ ഒളിമ്പിക് ഗെയിംസിന് ആതിഥേയത്വം വഹിക്കാന്‍ താത്പര്യം പ്രകടിപ്പിച്ച് ഖത്തര്‍. ആദ്യ ഘട്ടമെന്നോണമായി രാജ്യത്ത് ഒളിമ്പ്ക്‌സ് നടത്താനുള്ള സാധ്യതകള്‍ ഉണ്ടോ എന്ന് പരിശോധിക്കാനും വിശകലനം ചെയ്യാനും അന്താരാഷ്ട്ര ഒളിമ്പിക് കമ്മിറ്റിക്ക് അഭ്യര്‍ത്ഥന അയച്ചിട്ടുണ്ടെന്ന് ഖത്തര്‍ അറിയിച്ചു. ഔദ്യോഗിക ട്വിറ്റര്‍ അക്കൗണ്ടിലൂടെയാണ് ഖത്തര്‍ ഒളിമ്പിക് കമ്മിറ്റിയുടെ പ്രഖ്യാപനം.
”2036ല്‍ വരാനിരിക്കുന്ന ഒളിമ്പിക്-പാരാലിമ്പിക് മത്സരങ്ങള്‍ക്ക് ആതിഥേയത്വം വഹിക്കാന്‍ ഖത്തറിന് താത്പര്യമുണ്ടെന്ന് അന്താരാഷ്ട്ര ഒളിമ്പിക് കമ്മിറ്റിയെ അറിയിച്ചു.
മത്സരങ്ങള്‍ നടത്താനുള്ള സൗകര്യവും സംവിധാനങ്ങളും രാജ്യത്ത് ഉണ്ടോയെന്ന് വിശകലനം ചെയ്യാന്‍ ഐ.ഒ.സിക്ക് അഭ്യര്‍ത്ഥന അയച്ചിട്ടുണ്ട്,’ ഖത്തര്‍ ഒളിമ്പിക് കമ്മിറ്റി ട്വീറ്റ് ചെയ്തു.
