വീണ്ടും നിസ്‌കാരം മുടക്കി ഹിന്ദുത്വ ഗ്രൂപ്പുകളുടെ അതിക്രമം; 'ചാണക പ്രതിഷേധം' പൊളിഞ്ഞതിന് പിന്നാലെ വോളിബോള്‍ ക്വാര്‍ട്ട് തന്ത്രവുമായി പ്രവര്‍ത്തകര്‍
ഡൂള്‍ന്യൂസ് ഡെസ്‌ക്
Friday, 12th November 2021, 4:07 pm
ഗുഡ്ഗാവ്: ഹരിയാനയിലെ ഗുഡ്ഗാവില്‍ തുറസായ സ്ഥലങ്ങളില്‍ നിസ്‌കരിക്കുന്നതിനെതിരെ വീണ്ടും എതിര്‍പ്പുമായി ഹിന്ദുത്വ ഗ്രൂപ്പുകള്‍.
സംഘമായി എത്തിയ പ്രവര്‍ത്തകര്‍ മുസ്‌ലിങ്ങളുടെ നിസ്‌കാരം മുടക്കി. പ്രാര്‍ത്ഥനാ സ്ഥലത്ത് നിലയുറപ്പിച്ച ഹിന്ദുത്വ പ്രവര്‍ത്തകര്‍ മുസ്‌ലിങ്ങള്‍ നിസ്‌കരിക്കുന്ന സ്ഥലത്ത് വോളിബോള്‍ ക്വാര്‍ട്ട് ഉണ്ടാക്കുമെന്നാണ് പറയുന്നത്.
നേരത്തെ ചാണകം നിരത്തിയും ഇവര്‍ തടസം സൃഷ്ടിച്ചിരുന്നു. ബി.ജെ.പി നേതാവ് കപില്‍ മിശ്രയുടെ നേതൃത്വത്തില്‍ ഗോവര്‍ധന പൂജയും നടത്തിയിരുന്നു.
