വിജയ് ബി.ജെ.പിയുമായി സഖ്യമുണ്ടാക്കുന്നുവെന്ന് പ്രചരണം; നിയമനടപടിക്കൊരുങ്ങി ആരാധക സംഘടന
ഡൂള്‍ന്യൂസ് ഡെസ്‌ക്
Friday, 13th October 2023, 1:54 pm
ചെന്നൈ: നടന്‍ വിജയ് ബി.ജെ.പിയുമായി സഖ്യമുണ്ടാക്കുന്നുവെന്ന തരത്തില്‍ പ്രചരിക്കുന്ന വ്യാജ വാര്‍ത്തകള്‍ക്കെതിരെ നിയമനടപടി സ്വീകരിക്കുമെന്ന് ആരാധക സംഘടനയായ വിജയ് മക്കള്‍ ഇയക്കം. കള്ള പ്രചരണങ്ങള്‍ നടത്തുന്നവര്‍ക്കെതിരെ കര്‍ശനനടപടിയുണ്ടാകുമെന്ന് വിജയ് മക്കള്‍ ഇയക്കം ജനറല്‍ സെക്രട്ടറി ബുസി ആനന്ദ് പറഞ്ഞു.
ബി.ജെ.പി, പി.എം.കെ(പട്ടാളി മക്കള്‍ കക്ഷി) തുടങ്ങിയ പാര്‍ട്ടികളുമായി വിജയ് സഖ്യമുണ്ടാക്കി അടുത്ത നിയമസഭാ തെരഞ്ഞെടുപ്പില്‍ മത്സരിക്കുന്നുവെന്ന തരത്തിലുള്ള പോസ്റ്ററുകള്‍ മധുരയില്‍ പ്രത്യക്ഷപ്പെട്ടിരുന്നു. വിജയ് മക്കള്‍ ഇയക്കം ചുമതലക്കാര്‍ എന്ന അവകാശപ്പെട്ട ചിലരുടെ പേരിലായിരുന്നു ഈ പ്രചരണം നടന്നിരിന്നത്. ഇതിന് പിന്നാലെയാണ് വിജയ് മക്കള്‍ ഇയക്കം വിഷയത്തില്‍ പ്രതികരിക്കുന്നത്.
