മോദിക്കും ബി.ജെ.പിക്കും അവരുടെ വാലാട്ടി പട്ടികളായ മാധ്യമങ്ങള്‍ക്കും സോഷ്യല്‍ മീഡിയ വലിയൊരു തംസ് ഡൗണ്‍ നല്‍കി; ബി.ജെ.പി ഭയപ്പെടണമെന്ന് പ്രശാന്ത് ഭൂഷണ്‍
ഡൂള്‍ന്യൂസ് ഡെസ്‌ക്
Monday, 7th September 2020, 8:55 pm
ന്യൂദല്‍ഹി: കഴിഞ്ഞ ഒരാഴ്ചക്കാലം സോഷ്യയില്‍ മീഡിയയില്‍ ബി.ജെ.പിക്ക് ലഭിച്ചുകൊണ്ടിരിക്കുന്ന തിരിച്ചടിയെക്കുറിച്ച് പ്രതികരണവുമായി മുതിര്‍ന്ന അഭിഭാഷകന്‍ പ്രശാന്ത് ഭൂഷണ്‍.
ഒരാഴ്ച മുഴുവന്‍ മോദിക്കും അമിത് ഷായ്ക്കും ബി.ജെ.പിക്കും അവരുടെ വാലാട്ടി പട്ടികളായ മാധ്യമങ്ങള്‍ക്കും സോഷ്യല്‍ മീഡിയ നല്‍കിയത് വളരെ വലിയൊരു തംസ് ഡൗണ്‍ ആണെന്ന് ഭൂഷണ്‍ പറഞ്ഞു.
ബി.ജെ.പിയുടെ തകര്‍ച്ചയും വീഴ്ചയും വളരെ വേഗത്തിലാണെന്നും തീര്‍ച്ചയായും ഇതില്‍ ബി.ജെ.പി ഭയപ്പെടേണ്ടതുണ്ടെന്നും അദ്ദേഹം കൂട്ടിച്ചേര്‍ത്തു.
ഇത്രയും കാലം തങ്ങളെ എങ്ങനെയൊക്കെ പറ്റിച്ചുവെന്ന കാര്യം ജനങ്ങള്‍ മനസ്സിലാക്കിക്കഴിഞ്ഞെന്നും ഭൂഷണ്‍ കൂട്ടിച്ചേര്‍ത്തു. വഞ്ചിക്കപ്പെട്ട മനുഷ്യരോളം അമര്‍ഷമുള്ള മറ്റാരും ഉണ്ടാവില്ലെന്നും അദ്ദേഹം പറഞ്ഞു.
