മോദി രാജ്യത്തെ ഈ നിലയില്‍ കൊണ്ടെത്തിച്ചു: ബി.ജെ.പി ദേശീയ അധ്യക്ഷന്‍
ഡൂള്‍ന്യൂസ് ഡെസ്‌ക്
Wednesday, 22nd December 2021, 9:49 pm
പനാജി: പ്രധാനമന്ത്രി നരേന്ദ്രമോദിയെ പുകഴ്ത്തി ബി.ജെ.പി ദേശീയ അധ്യക്ഷന്‍ ജെ.പി. നദ്ദ. ജനാധിപത്യത്തിന്റെ ശൈലി മാറ്റിയത് മോദിയാണെന്ന് നദ്ദ പറഞ്ഞു.
ഗോവയില്‍ തെരഞ്ഞെടുപ്പ് റാലിയില്‍ പങ്കെടുത്ത് സംസാരിക്കുകയായിരുന്നു അദ്ദേഹം.
‘മോദിയുടെ നേതൃത്വത്തിന് കീഴില്‍ രാഷ്ട്രീയത്തിന്റെ സംസ്‌കാരം മാറി. ഗോവയിലെ നമ്മുടെ സര്‍ക്കാരിന്റെ റിപ്പോര്‍ട്ട് കാര്‍ഡായി ഞാന്‍ ഈ ചടങ്ങിനെ കാണുന്നു,’ പനാജിയില്‍ സങ്കല്‍പ് യാത്ര ഉദ്ഘാടനം ചെയ്തുകൊണ്ട് നദ്ദ പറഞ്ഞു.
2014 ല്‍ വോട്ട് ബാങ്ക് രാഷ്ട്രീയം മാത്രമാണ് നിലനിന്നിരുന്നതെന്നും അദ്ദേഹം പറഞ്ഞു. മുന്‍ സര്‍ക്കാരുകള്‍ സ്വന്തം കുടുംബത്തിന്റെ വികസനത്തിന് വേണ്ടി പ്രവര്‍ത്തിച്ചപ്പോള്‍ വാജ്‌പേയ്, മോദി സര്‍ക്കാരുകള്‍ രാജ്യത്തിന് വേണ്ടിയാണ് പ്രവര്‍ത്തിച്ചതെന്നും അദ്ദേഹം അവകാശപ്പെട്ടു.
