വിശ്വസുന്ദരി പട്ടം നേടിയ ഹര്‍നാസ് സന്ധുവിന് അഭിനന്ദനങ്ങളുമായി പ്രധാനമന്ത്രി നരേന്ദ്രമോദി
ഡൂള്‍ന്യൂസ് ഡെസ്‌ക്
Monday, 13th December 2021, 11:15 pm
21 വര്‍ഷത്തിന് ശേഷം വിശ്വസുന്ദരി പട്ടം ഇന്ത്യയിലേക്ക് കൊണ്ടുവന്ന് രാജ്യത്തിന്റെ അഭിമാനമായി മാറിയിരിക്കുകയാണ് ഹര്‍നാസ് സന്ധു. ഇസ്രാഈലിലെ എയ്‌ലാറ്റില്‍ നടന്ന മത്സരത്തിലാണ് പഞ്ചാബ് സ്വദേശിയായ ഹര്‍നാസ് സന്ധു ഇന്ത്യയെ പ്രതിനിധീകരിച്ചത്. ഹര്‍നാസ് സന്ധുവിനെ അഭിനന്ദിക്കുകയാണ് പ്രധാനമന്ത്രി നരേന്ദ്ര മോദി.
‘മിസ് യൂണിവേഴ്‌സായി കിരീടം നേടിയ ഹര്‍നാസ് സന്ധുവിന് അഭിനന്ദനങ്ങള്‍. ഭാവി ഉദ്യമങ്ങള്‍ക്ക് എല്ലാ വിധ ആശംസകളും നേരുന്നു,’ പ്രധാനമന്ത്രി ട്വിറ്ററില്‍ കുറിച്ചു.
നേരത്തെ സുസ്മിത സെന്നും ലാറ ദത്തയും ഇന്ത്യയില്‍ നിന്ന് വിശ്വസുന്ദരി പട്ടം നേടിയിരുന്നു. ഇസ്രായേലിലെ എയ്‌ലാറ്റില്‍ നടന്ന മത്സരത്തില്‍ മത്സരാര്‍ത്ഥികളായ പരാഗ്വേയെയും ദക്ഷിണാഫ്രിക്കയെയും പിന്തള്ളിയാണ് ഹര്‍നാസ് കിരീടം നേടിയത്.
